«زەرتحانالىق زەرتتەۋلەردىڭ ناتيجەسى بويىنشا بيىل ەپيدەميالىق ماۋسىمدا جرۆي, تۇماۋ ۆيرۋسى جانە covid-19 ۆيرۋسى انىقتالعان جوق. سوڭعى ەپيدەميالىق ماۋسىمدا 40 جانە 41 اپتا ىشىندە 14 ناۋقاستا ۆ ءتيپتى ۆيرۋس انىقتالدى. قازىرگى ۋاقىتتا بوكاۆيرۋس ء(بىر جاعداي), سينتسيتيالدى ۆيرۋس (ەكى جاعداي), رينوۆيرۋس (التى جاعداي) جانە كادىمگى كوروناۆيرۋس ء(بىر جاعداي) سياقتى تۇماۋ ەمەس ۆيرۋستاردىڭ اينالىمى انىقتالدى. جرۆي-مەن اۋىرعان 12 876 جاعدايدىڭ ىشىندە قاۋىپ توبىنا جاتاتىن ناۋقاستار 2% قۇرايدى. مەكتەپكە دەيىنگى مەكەمەلەرگە باراتىن ۇيىمداسقان توپتاعى بالالار اراسىندا اۋرۋشاڭدىق 12 پايىزدى, ال مەكتەپ وقۋشىلارى اراسىندا 17 پايىزدى قۇراپ وتىر», دەدى جاننا پراليەۆا.
ول ءجىتى رەسپيراتورلىق ۆيرۋستىق ينفەكتسيالاردىڭ ىشىندەگى ەڭ قاۋىپتىسى تۇماۋ ەكەنىن ايتتى. ا جانە ۆ تۇماۋى ۆيرۋستىڭ ماۋسىمدىق ءوسۋىن تۋدىرادى. ا ءتيپتى ۆيرۋس ادامدارعا دا, جانۋارلارعا دا جۇعۋى مۇمكىن. قۇس جانە شوشقا تۇماۋى ا تۇماۋىنىڭ ءتۇرى بولىپ تابىلادى. ۆيرۋستىڭ بۇل ءتۇرى تابيعاتتا ەپيدەمياعا اينالعان اۋىر نەمەسە ورتاشا اۋىرلىقتاعى اۋرۋلاردى تۋدىرادى. ۆ ءتيپتى ۆيرۋس تەك ادامنان ادامعا جۇعادى. بۇل ۆيرۋس ءتۇرى ادەتتە جەرگىلىكتى سيپاتتا بولادى جانە ا ءتيپتى تۇماۋ ەپيدەميالارىنىڭ الدىندا نەمەسە ولارمەن قاباتتاسۋى مۇمكىن.
ەلوردالىق سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ايتۋىنشا, ەكپە الۋ تۇماۋدىڭ الدىن الۋدىڭ دالەلدەنگەن شارالارىنىڭ ءبىرى.
«2023-2024 جىلدارداعى ەپيدەميالىق ماۋسىمدا ماۋسىمدىق تۇماۋعا قارسى يممۋنداۋ ءۇشىن جەرگىلىكتى بيۋدجەت قاراجاتىنان رەسەيدە وندىرىلگەن «گريپپول پليۋس» ۆاكتسيناسىنىڭ 160 مىڭ دوزاسى ساتىپ الىندى», دەپ ءتۇسىندىردى سپيكەر.
جاننا پراليەۆانىڭ ايتۋىنشا, وسى جىلدىڭ 18 قىركۇيەگىندە ەپيدەميالىق كورسەتكىشتەر بويىنشا ينفەكتسيا جۇقتىرۋ قاۋپى جوعارى تۇلعالارعا, ونىڭ ىشىندە مەديتسينا قىزمەتكەرلەرىنە, ديسپانسەرلىك ەسەپتە تۇرعان بالالارعا, بالالار ۇيلەرى مەن بالالار ۇيلەرىنىڭ تاربيەلەنۋشىلەرىنە, وبلىستاعى كونتينگەنتكە تۇماۋعا قارسى ەگۋ ناۋقانى باستالدى.
12 قازانداعى جاعداي بويىنشا جەرگىلىكتى بيۋدجەت ەسەبىنەن 82 232 ادام ەگىلدى, بۇل جالپى قالا حالقىنىڭ 6 پايىزىن عانا قۇرايدى. تاۋەكەل توبىنداعى ادامداردىڭ 51,5%-ى قامتىلعان, ونىڭ ىشىندە 14 جاسقا دەيىنگى بالالار – 16136, ەرەسەكتەر – 66096, ونىڭ ىشىندە مەديتسينا قىزمەتكەرلەرى – 9569 ادام, جۇكتى ايەلدەر – 1650 ادام. سونداي-اق جۇمىس بەرۋشىلەر ەسەبىنەن 4627 ەرەسەك ادام ماۋسىمدىق تۇماۋعا قارسى ەكپە الدى.
