Qatar Masters Open - الەمدەگى ەڭ مىقتى اشىق تۋرنيرلەردىڭ ءبىرى, وعان تەك 2300 نەمەسە ودان جوعارى رەيتينگى بار ويىنشىلار قاتىسا الادى. بيىل 44 ەلدەن 252 شاحماتشى قاتىسىپ جاتىر. قاتىسۋشىلار اراسىندا 60-تان استام گروسسمەيستەر بار. 11 قازاندا باستالعان تۋرنيرگە گروسسمەيستەرلەر ماگنۋس كارلسەن, حيكارۋ ناكامۋرا جانە باسقا دا شاحمات مىقتىلارى قاتىسىپ جاتىر. ءتۋرنيردىڭ جۇلدە قورى 108 250 دوللاردى قۇرايدى.
العاشقى سەنساتسيالىق جەڭىستىڭ اۆتورى پاۆلودارلىق گروسسمەيستەر الىشەر سۇلەيمەنوۆ بولدى. جەرەبە انىقتاعانداي, ونىڭ قارسىلاسى ماگنۋس كارلسەننىڭ ءوزى.
تۋرنيرگە ءبىزدىڭ قۇرامنان رينات جۇماباەۆ, ءبيبىسارا اساۋباەۆا, قازىبەك نوگەربەك, الۋا نۇرمانوۆا قاتىسىپ جاتىر.
ايتا كەتەيىك, 2022 جىلى ءۇندىستاننىڭ چەنناي قالاسىندا وتكەن دۇنيەجۇزىلىك شاحمات وليمپياداسىندا قازاقستان قۇراماسىنىڭ ساپىندا ونەر كورسەتتى. تۋرنيردە ەرلەر قۇراماسى قىتايدان كەلگەن قارسىلاستارمەن كەزدەسىپ, 3:1 ەسەبىمەن جەڭىسكە جەتتى. قازىبەك نوگەربەك پەن الىشەر سۇلەيمەنوۆ ويىندارىن جەڭىسپەن اياقتاسا, ارىستانبەك ورازاەۆ پەن مۇرتاس قاجعالەەۆ تەڭ ەسەپپەن اياقتادى.
سونداي-اق قازاقستان ەرلەر قۇراماسى شاحمات وليمپياداسىنىڭ جەتىنشى تۋرىندا سەرپىندى جەڭىسكە جەتىپ, باستاپقى كەستەدەگى 40-ورىننان 7-ورىنعا كوتەرىلە الدى. ودان كەيىن الىشەر سۇلەيمەنوۆ شەشۋشى ويىندا 200 ۇپايمەن يسپاندىق قارسىلاسىن جەڭدى.
