فوتو: Primeminister.kz
سىيلىق قازىلار القاسى مۇشەلەرىنىڭ ونلاين-داۋىس بەرۋىنىڭ قورىتىندىسى بويىنشا اقپاراتتىق-كوممۋنيكاتسيالىق تەحنولوگيالاردى دامىتۋداعى جەتىستىكتەرى ۇشىن ورتالىق ەۋرازيا ەلدەرىنىڭ ۇزدىك IT-كومپانيالارىنا بەرىلەدى.
نوميناتسيالار بويىنشا Digital Bridge Awards 2023 جۇلدەگەرلەرى:
- Export Excellence (IT-قىزمەتتەردى ەكسپورتتاۋعا باعىتتالعان دامۋ ستراتەگيالارىن تابىستى تۇردە ىسكە اسىرۋ) – الەكسەي اكسەنوۆ, باعدارلامالىق قامتاماسىز ەتۋدى جانە كۇردەلى تسيفرلىق پلاتفورمالاردى ازىرلەيتىن EPAM Kazakhstan كومپانياسىنىڭ ديرەكتورى;
- Tech for Good (ەكولوگيالىق, الەۋمەتتىك جانە ەكونوميكالىق ماسەلەلەردى شەشۋگە ارنالعان تەحنولوگيالار) – اسەم تاجيەۆا, كىشكەنتاي بالالار, ونىڭ ىشىندە ەرەكشە قاجەتتىلىكتەرى بار بالالاردىڭ اتا-انالارى ءۇشىن پايدالى اقپارات بەرەتىن ءموبيلدى قوسىمشا Ozim Platform الەۋمەتتىك ستارتابىنىڭ نەگىزىن قالاۋشى;
- Tech Educational Leader (وقىتۋدا يننوۆاتسيالىق, باتىل جانە شىعارماشىلىق باستامالاردى قولداناتىن باعدارلامالاۋ مەكتەپتەرى) – دانابەك قالياجاروۆ, Alem School جەتەكشىسى;
- Tech Media of the Year (تەحنولوگيالىق جۋرناليستيكا سالاسىنداعى جەتىستىكتەر) – تاگاي تازابەكوۆ, قىرعىزستانداعى جاستارعا ارنالعان Limon.KG ءبىرىنشى ينتەرنەت-باسىلىمىنىڭ ديرەكتورى;
- Employer of Choice (قىزمەتكەرلەردى كاسىبي جانە تۇلعا رەتىندە دامىتۋعا ىنتالاندىراتىن جۇمىس ورتاسىن ۇسىنۋشى كومپانيالار) – دميتري بوتانوۆ, قىزمەتتەر, جىلجىمايتىن م ۇلىك جانە اۆتوكولىك ساتۋ سالاسىنداعى Kolesa Group IT-كومپانيانىڭ باس ديرەكتورى;
- VC of the Year (يننوۆاتسيالىق ەكوجۇيەنىڭ دامۋىنا ەلەۋلى ۇلەس قوسقان ۆەنچۋرلىك ينۆەستورلار) – ادىل نۇرعوجين, Big Sky سapital ۆەنچۋرلىق قورىنىڭ باسقارۋشى سەرىكتەسى;
- AI Startup of the Year (جاساندى ينتەللەكت سالاسىنداعى جەتىستىكتەرى ءۇشىن) – ازيزدجون ازيمي, تاجىكستان جاستارىنا قارجى جانە تەلەكوممۋنيكاتسيالىق كومپانيالارعا جۇمىسقا ورنالاسۋ ءۇشىن IT جانە جي بويىنشا مامانداندىرىلعان كۋرستاردان وتۋگە مۇمكىندىك بەرەتىن Zypl.ai ورتالىعىنىڭ نەگىزىن قالاۋشى.
پرەمەر-مينيستر ءاليحان سمايىلوۆ جەڭىمپازداردى ماراپاتتاپ, ولاردىڭ الداعى جۇمىستارىنا تابىس تىلەدى.
