جاڭا باسشىنى مەدياسەرىكتەستىك ۇجىمىنا اتىراۋ وبلىسى اكىمى اپپاراتىنىڭ باسشىسى نۇرلىبەك جەڭىسبەك ۇلى تانىستىردى.
نۇربولات ماقسوت ۇلى 2013 جىلى ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىن بىتىرگەن. ماماندىعى – جۋرناليست.
ەڭبەك جولىن مەملەكەتتىك قىزمەتتە باستاعان. 2013-2017 جىلدارى اتىراۋ وبلىستىق ىشكى ساياسات باسقارماسى اقپاراتتىق ساياسات جانە باق مونيتورينگى ءبولىمىنىڭ باس مامانى بولعان. ال 2017-2022 جىلدارى اقپاراتتىق ساياسات جانە باق مونيتورينگى بولىمىنە باسشىلىق ەتكەن.
2022 جىلدان بۇگىنگە دەيىن اتىراۋ وبلىستىق ىشكى ساياسات باسقارماسى باسشىسىنىڭ ورىنباسارى قىزمەتىن اتقاردى.
«اتىراۋ-اقپارات» جشس-ءنىڭ قۇرامىندا ەكى وبلىستىق, جەتى اۋداندىق گازەت پەن ەكى تىلدەگى ارنايى سايت, باسپاحانا بار.
