مەملەكەت باسشىسى ءداستۇرلى Digital Bridge حالىقارالىق تەحنولوگيالىق فورۋمى اياسىندا ۇيىمداستىرىلعان روبوتتى تەحنيكا, Social Tech, Creative Economy, AI, FinTech, Industry 4.0, GovTech تاقىرىپتىق كورمە ايماقتارىن, سونداي-اق Kaspikz, قارجى نارىعىن رەتتەۋ جانە دامىتۋ اگەنتتىگى, Astana Hub, Freedom Bank, MyCar جانە تاعى دا باسقا ۇيىمداردىڭ كورمە ستەندتەرىن ارالاپ كوردى. 
روبوتتى تەحنيكا ايماعىندا مەملەكەت باسشىسى كوپتەگەن جارىستاردا جەڭىمپاز اتانعان روبوتتى تەحنيكادان قازاقستان قۇراماسىنىڭ مۇشەلەرىمەن اڭگىمەلەستى جانە Ustem Foundation, Alem School, MakerSpace جوبالارىمەن تانىستى.
تسيفرلىق دامۋ, يننوۆاتسيا جانە اەروعارىش ونەركاسىبى ءمينيسترى باعدات مۋسين پرەزيدەنتكە جەكەلەگەن ەكىنشى دەڭگەيلى بانكتەر مەن كومپانيالار وزدەرىنىڭ پلاتفورمالارى ارقىلى ازاماتتاردىڭ مەملەكەتتىك قىزمەتتەرگە قول جەتكىزۋىنە مۇمكىندىك جاساپ وتىرعانىن باياندادى.
مەملەكەت باسشىسىنا دەنساۋلىق ساقتاۋ سالاسىن تسيفرلاندىرۋ جۇمىستارى, سونىڭ ىشىندە دەنساۋلىق ساقتاۋ مينيسترلىگىنىڭ «QR ارقىلى دارىگەردىڭ قابىلداۋىنا جازىلۋدى راستاۋ» (eGov mobile قوسىمشاسىنداعى ەدەنساۋلىق) جوباسى تانىستىرىلدى.
سونىمەن قاتار پرەزيدەنتكە Astana Hub جوبالارى, Google for Startups, Draper University, Tech Orda, Silkroad innovation hub, وڭىرلىك IT Hub باعدارلامالارىنىڭ جۇزەگە اسىرىلۋ بارىسى جونىندە مالىمەت بەرىلدى. «ۇلتتىق اقپاراتتىق تەحنولوگيالار» اق جاساندى ينتەللەكت نەگىزىندە كەڭەس بەرىپ, مەملەكەتتىك قىزمەت تۇرلەرىن كورسەتەتىن «AiGov» چات-بوتى جوباسىن كورسەتتى.
مۇنان سوڭ قاسىم-جومارت توقاەۆقا «QazaqGaz» ۇلتتىق كومپانياسىنىڭ تسيفرلىق شەشىمدەرى جانە «قازمۇنايگاز» اق-نىڭ كولىك قاۋىپسىزدىگىن قامتاماسىز ەتۋگە, سونداي-اق كولىك پەن ارنايى تەحنيكا جۇمىسىنا اشىق مونيتورينگ جۇرگىزۋگە ارنالعان «ساپارلاردى باسقارۋ» جوباسى تۋرالى ايتىلدى.
مەملەكەت باسشىسى كورمەگە قاتىسۋشىلارعا وزدەرىنىڭ تسيفرلىق جوبالارىن تابىستى جۇزەگە اسىرۋىنا تىلەكتەستىك ءبىلدىردى. پرەزيدەنت ەلىمىزدەگى تسيفرلاندىرۋ ءۇردىسى تەك ءبىر سالانى عانا جەتىلدىرۋگە ەمەس, سونىمەن قاتار جالپى ەكونوميكامىز بەن قوعام ومىرىندە ەلەۋلى وزگەرىستەر جاساۋعا باعىتتالعانىن اتاپ ءوتتى.
