قۇجاتتا ءۇش زاڭعا وزگەرىستەر مەن تولىقتىرۋلار ەنگىزۋ كوزدەلىپ وتىر. ماسەلەن, «قازاقستان رەسپۋبليكاسىنىڭ مەملەكەتتىك ناگرادالارى تۋرالى» زاڭعا ادەبيەتتىڭ دامۋىنا ەرەكشە ۇلەس قوسقان, بۇرىن «قازاقستاننىڭ ەڭبەك سىڭىرگەن قايراتكەرى» قۇرمەتتى اتاعىنا يە بولعان ادامدارعا جانە (نەمەسە) مەملەكەتتىك سىيلىقتىڭ يەگەرلەرىنە «قازاقستاننىڭ حالىق جازۋشىسى» قۇرمەتتى اتاعىن بەرۋ جونىندە تولىقتىرۋ ەنگىزىلەدى.
«قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى» زاڭعا مەملەكەتتىك اۆياتسيا سالاسىنداعى ۋاكىلەتتى ورگاننىڭ ۇشۋ جۇمىسىن ۇيىمداستىرۋ جانە ۇشۋدى وبەكتيۆتى باقىلاۋدى ۇيىمداستىرۋ جونىندەگى نۇسقاۋلىق ازىرلەۋ جانە بەكىتۋ تۋرالى قۇزىرەتى بەكىتىلەدى.
ال «قورعانىس ونەركاسىبى جانە مەملەكەتتىك قورعانىستىق تاپسىرىسى تۋرالى» زاڭعا وق-ءدارى مەن جارىلعىش زاتتاردى كادەگە جاراتۋ وبەكتىسىنىڭ ءوندىرىسىن ۇيىمداستىرۋ جونىندەگى قاعيدالاردى ازىرلەۋ جانە بەكىتۋ جونىندە ۋاكىلەتتى ورگان قۇزىرەتىنىڭ ەرەجەسى ەنگىزىلەدى. بۇل وق-ءدارى مەن جارىلعىش زاتتاردى ساقتاۋ, كادەگە جاراتۋ وبەكتىلەرىندە كۇزەت جانە ءورت قاۋىپسىزدىگىن قامتاماسىز ەتۋ ۇدەرىسىن تيىسىنشە ۇيىمداستىرۋدى بەلگىلەۋگە مۇمكىندىك بەرەدى.
كوميتەت مۇشەلەرى تالقىلاۋ قورىتىندىسى بويىنشا زاڭدى پالاتانىڭ قاراۋىنا جىبەرۋ تۋرالى شەشىم قابىلدادى.
