ايەلدەر بيزنەسىن قولداۋ باعىتىندا KMF كومپانياسى مەن «KMF-دەمەۋ» كورپوراتيۆتىك قورىنىڭ باعدارلامالارى جەتەرلىك جانە ولار قارجىلاندىرۋمەن عانا شەكتەلمەيدى. 2018 جىلى KMF «ايەلدەردىڭ مۇمكىندىكتەرىن كەڭەيتۋ قاعيداتتارىنا» قول قويۋ ارقىلى بۇۇ ايەلدەر حالىقارالىق قۇرىلىمىنىڭ باستاماسىن قولدادى. سول جىلى ايەلدەر كاسىپكەرلىگىن قولداۋ باعدارلاماسى ازىرلەندى.
KMF باسقارما توراعاسى شالقار ءجۇسىپوۆتىڭ ايتۋىنشا, 90-جىلداردىڭ ەكىنشى جارتىسىندا ايەلدەر بيزنەسىن قارجىلاندىرۋشىلار از ەدى. وسى جىلدار ىشىندە «KMF-دەمەۋ» قورى كاسىپكەر ايەلدەرگە ارنالعان ءتۇرلى كونفەرەنتسيالاردى ۇيىمداستىردى. ەۋروپالىق قايتا قۇرۋ جانە دامۋ بانكى وسىنداي توعىزىنشى ءىس-شارانىڭ سەرىكتەسى بولدى. ناتيجەسىندە, مۇنىڭ ءبارى بيىل ءۇشىنشى رەت وتكىزىلگەن «KMF Isker Hanymy» ۇلتتىق جوباسىنا اينالدى. ول ميكروبيزنەسكە قاتىسۋشىلار ءۇشىن تاعايىندالعان, ماقساتى – ءوز سالاسىندا ۇزدىك بولىپ سانالاتىن كاسىپكەر ايەلدەردى ىنتالاندىرۋ, سونداي-اق جالپى ايەلدەر كاسىپكەرلىگىن دامىتۋعا نازار اۋدارۋ جانە جاڭا كليەنتتەر اراسىندا KMF-كە سەنىمدى ارتتىرۋ.
ء«بىز «KMF-دەمەۋ» قورىمەن بىرلەسىپ, بۇل بايقاۋدى الداعى ۋاقىتتا دا وتكىزە بەرۋدى جوسپارلاپ وتىرمىز. سەبەبى ۇمىتكەرلەر اراسىندا ۇلكەن بەلسەندىلىك بارىن بايقادىق. بيىلعى وتىنىشتەر سانى وتكەن جىلعىمەن سالىستىرعاندا كوپ بولدى. سونىمەن قاتار وسى جىلى «شاعىن جانە ورتا بيزنەستى دامىتۋعا قوسقان ۇلەسى ءۇشىن» جاڭا اتالىمىن قوسىپ وتىرمىز. دەمەك, بۇل كليەنتتەرىمىزدىڭ تەك ميكروكاسىپكەرلىك اياسىندا عانا ءوسىپ, دامىپ كەلە جاتپاعانىن كورسەتەدى. جوبامىزدىڭ جىل سايىن جاڭالىعى بار, جىلدا قوسىمشا جۇلدەلەر تاعايىنداپ, حالىقارالىق ساراپشىلاردى قازىلار القاسىنا شاقىرامىز», دەيدى شالقار ءجۇسىپوۆ.
وسىلايشا, وتكەن اپتانىڭ سوڭىندا KMF Isker Hanymy – 2023 بايقاۋىنىڭ جەڭىمپازدارىن ماراپاتتاۋ سالتاناتى بولدى. بيىل بايقاۋعا قاتىسۋعا ەلىمىزدىڭ تۇكپىر-تۇكپىرىنەن 2 مىڭنان اسا ءوتىنىش كەلىپ تۇسكەن. بايقاۋدىڭ جەڭىمپازى جانە باس جۇلدە – 1 ملن تەڭگە سەرتيفيكاتىنىڭ يەگەرى – تالدىقورعاندىق انار يساەۆا. ول 17 جىلدان بەرى الەۋمەتتىك بيزنەسپەن اينالىسىپ, «اقجانەل» مەديتسينالىق-وڭالتۋ ورتالىعىن باسقارىپ ءجۇر. بۇل ورتالىق ۋاقىت وتە كەلە ينسۋلتتان كەيىنگى ەمدەۋگە عانا ەمەس, سونىمەن قاتار تسەرەبرالدى سال اۋرۋى بار جانە مۇمكىندىگى شەكتەۋلى ادامدارعا دا كومەكتەسۋگە ماماندانعان. 6 جىلدان بەرى KMF كليەنتى بولىپ كەلە جاتقان انار يساەۆا بۇل قارجىلاندىرۋدىڭ كومەگىمەن ورتالىقتى جاڭعىرتىپ, جاڭا جۇمىس ورىندارىن اشىپ, بىرقاتار ماڭىزدى الەۋمەتتىك جوبانى جۇزەگە اسىرا الدى.
KMF Isker Hanymy – 2023 بايقاۋىنىڭ نەگىزگى اتالىمدارى بويىنشا تالعار قالاسىندا سۇلۋلىق جانە دەنساۋلىق ورتالىعىن اشقان انجەليكا سەمەنوۆاعا «بيزنەستى دامىتۋعا قوسقان ۇلەسى ءۇشىن», مەركە اۋىلىندا مال ۇستاپ, قىمىز وندىرگەن ۇلبوسىن قوناقبايعا «اگروبيزنەستى دامىتۋعا قوسقان ۇلەسى ءۇشىن», قىزىلوردالىق بايان توقسانباەۆاعا «شوب-تى دامىتۋعا قوسقان ۇلەسى ءۇشىن», تالدىقورعاندىق سيلۆانا بەكيشەۆاعا «الەۋمەتتىك بيزنەس» ءۇشىن, تالعاردا كوررەكتسيالىق ورتالىق اشقان, سويلەۋ قابىلەتىندە كەمىستىك بار بالالارمەن جۇمىس ىستەيتىن لولا ساعيتوۆاعا ء«ادىل قازىلاردان ارنايى سىيلىق» رەتىندە 500 مىڭ تەڭگەنىڭ سەرتيفيكاتتارى تابىس ەتىلدى. سونىمەن قاتار قوسىمشا اتالىمدار بويىنشا 15 ىسكەر ايەلگە 100 مىڭ تەڭگەدەن بۇيىردى.
قنردا-نىڭ ميكروقارجىلىق قىزمەتتى جۇزەگە اسىرۋ قۇقىعىن بەرەتىن 26.02.2021 جىلعى №02.21.0003.M ليتسەنزياسى
