فوتو: اشىق دەرەككوز
ەنەرگەتيكا ءمينيسترى الماسادام ساتقاليەۆ وتكەن جىلدىڭ قازان ايىنان باستاپ ستانسادا بىرقاتار اپات ورىن الىپ, سونىڭ كەسىرىنەن قالا تۇرعىندارىن جىلۋمەن جانە ەلەكترمەن جابدىقتاۋدا ىركىلىستەر بولعانىن ەسكە سالدى. جەو-نىڭ بۇرىنعى يەلەرى ونى جاڭعىرتۋ جانە كۇردەلى جوندەۋ جۇمىستارىنا ينۆەستيتسيا سالماعاندىقتان, ستانسانىڭ تەحنيكالىق جايى ابدەن توزىپ بىتۋگە اينالعان.
بيىل ۇكىمەت رەزەرۆىنەن جانە وبلىس اكىمدىگىنەن بولىنگەن قاراجات ەسەبىنەن ستانسانىڭ بارلىق 6 قازاندىعىنا جوندەۋ جۇمىستارى جۇرگىزىلىپ جاتىر. قازىر 3 قازاندىق بويىنشا ىسكە قوسۋ جۇمىستارى ءجۇرىپ جاتىر, تاعى 3 قازاندىقتى جوندەۋدى جىل سوڭىنا دەيىن اياقتاۋ جوسپارلانىپ وتىر.
جەو-نىڭ جاڭا مەنشىك يەسىمەن جۇرگىزىلگەن كەلىسسوزدەر قورىتىندىسى بويىنشا ينۆەستور كاسىپورىننىڭ بارلىق قارىزىن وتەپ, ستانسانى اكىمدىكتىڭ كوممۋنالدىق مەنشىگىنە بەرەدى دەگەن ۋاعدالاستىققا قول جەتكىزىلدى.
پرەمەر-مينيستر جەو-نى جەرگىلىكتى اتقارۋشى ورگانداردىڭ بالانسىنا قابىلداۋ ءۇشىن بارلىق قاجەتتى ۇيىمداستارۋ-قۇقىقتىق جۇمىستاردى جۇرگىزۋدى تاپسىردى.
