ءشومىشباي ساريەۆ – ادەبيەتكە جەتپىسىنشى جىلدارى كەلگەن تالانتتى لەكتىڭ وكىلى. سول جىلدارى «بالداۋرەن» اتتى تىرناقالدى جيناعى جارىق كورگەن اقىن – ون بەس شاقتى كىتاپتىڭ اۆتورى. قازاقتىڭ قابىرعالى قالامگەرى عافۋ قايىربەكوۆ ء«شومىشباي – قوس قاناتتى اقىن. ءبىرىنشىسى, ليريكالىق جىرلارى بولسا, ەكىنشىسى – ءان-ولەڭدەرى. پوەزيانىڭ ەكى سالاسى اقىننىڭ قوس قاناتىنا اينالعان» دەپ باعالاعان اقىننىڭ 300-دەن استام ولەڭى اۋەزدى انگە اينالعان.
پوەزيا كەشىندە جازۋشى سايلاۋباي جۇباتىروۆ, اقىن قاتيرا جالەنوۆا, ماقسات داۋىلباي ەستەلىك ايتىپ, كەشتى ۇيىمداستىرۋشىلارعا العىسىن جەتكىزدى.
«جالپى, قازاق رۋحانياتىنىڭ تابالدىرىعىن اتتاعان كەز كەلگەن تولقىن, مۇحتار اۋەزوۆ ايتپاقشى, «جىل كەلگەندەي جاڭالىق سەزىندىرگىسى» كەلەتىنى انىق. بۇل تاراپتا جەتپىسىنشى جىلدارى ادەبيەتكە كەلگەن ءبىزدىڭ جولىمىز بولدى. ادەبيەتىمىزدىڭ ابىزى مۇزافار اعا الىمباەۆ مۇقاڭنىڭ وسى ءبىز اۋىز ءسوزىن قايتالاي ايتىپ, ءبىزدى ايالاپ وتىراتىن ەدى. بۇگىنگى كەشتە سونىڭ ءبارى ەسكە ءتۇسىپ وتىر. تۋعان جەرىن وشپەس انگە وزەك ەتكەن شوكەڭ – ارمانسىز اقىن. بۇگىنگى كەشكە جارى جۇماكۇل ساريەۆا بالالارىن دا ەرتىپ كەلگەن ەكەن. تامىرىن تۋعان جەردەن ۇزبەگەن اقىننىڭ ءوزى دە, مۇراسى دا ۇمىتىلمايدى», دەدى سايلاۋباي جۇباتىروۆ.
اقىن قاتيرا جالەنوۆا ادەبيەتتە قاتار جۇرگەن قالامگەر تۋرالى ەستەلىگىندە ءشومىشباي ساريەۆتىڭ «تاماشا» ويىن-ساۋىق وتاۋىنىڭ كورەرمەنگە جول تارتۋى ءۇشىن جاساعان تولىمدى ەڭبەگىنە توقتالدى. ەسكە الۋ كەشىنە جينالعاندار وبلىستىق تاريحي-ولكەتانۋ مۋزەيىندەگى اقىننان قالعان ەستەلىك مۇرانى تاماشالادى.
وسى كۇنى كەشكىلىك ن.بەكەجانوۆ اتىنداعى وبلىستىق دراما تەاترعا جيىلعان جۇرت ءشومىشباي ساريەۆ شىعارماشىلىعىنا ارنالعان «تەڭىزدەي تەبىرەندىم, تەربەدىڭ…» اتتى كەشتىڭ كورەرمەنى بولدى. وبلىس اكىمى نۇرلىبەك نالىباەۆ كەش قوناقتارىن قۇتتىقتاپ, ءشومىشباي ساريەۆتىڭ ەل مادەنيەتىنە قوسقان ۇلەسىن اتاپ ءوتتى.
«سىردا تۋىپ, اتى التى الاشقا تانىلعان دارىن يەلەرىنىڭ قاتارىندا اقىن ءشومىشباي ساريەۆتىڭ ەسىمى ەرەكشە. سىر جۇرتى ءوز پەرزەنتتەرىن ءاردايىم قۇرمەت تۇتىپ, ەڭبەگىن ەشقاشان ۇمىتپايدى. دارىندى تۇلعانىڭ ونەگەلى ءومىرىن ۇرپاققا ناسيحاتتاپ, قازىناسىن التىن قوردا ساقتايدى. قازاق ونەرىن ورگە جۇزدىرگەن سىر پەرزەنتى ءشومىشباي اعامىزدىڭ رۋحى شات, ۇرپاعى امان بولسىن», دەدى ايماق باسشىسى.
نۇرلىبەك ماشبەك ۇلى اقىننىڭ جۇبايى جۇماكۇل ساريەۆاعا قۇرمەت تانىتىپ, بۇگىنگى كەشكە وراي مەملەكەت باسشىسىنىڭ ارنايى قۇتتىقتاۋ حاتىن تابىستادى. كوپ الدىندا ەلگە ريزالىعىن بىلدىرگەن جۇماكۇل ساريەۆا ەكى جىل بۇرىن 75 جاسىنا ەكى اي قالعاندا ومىردەن وزعان اقىن رۋحىنا عىلىمي-تانىمدىق كونفەرەنتسيا ارناعان ارالدىقتاردىڭ قۇرمەتى كوڭىلىن تولقىتقانىن اتاپ ءوتتى. ودان كەيىن دە سىر ەلىندە اقىننىڭ ەسىمىن قۇرمەتتەپ, ەڭبەگى مەن شىعارماشىلىعىن دارىپتەۋ ۇزىلگەن ەمەس. وبلىستىق تاريحي-ولكەتانۋ مۋزەيىنىڭ ونەر زالىندا بۇرىش اشىلدى.
كەشتە قازاقستاننىڭ حالىق ارتىستەرى روزا رىمباەۆا, ماقپال ءجۇنىسوۆا, ءانشى جەڭىس ىسقاقوۆا, سۇلەيمەن يبراگيموۆ, جۇبانىش جەكسەن ۇلى اقىن ولەڭدەرىنە جازىلعان اندەردى ورىندادى.
قىزىلوردا
