فوتو: olympic.kz
ەگىزدىڭ سىڭارى, الەم چەمپيوناتىنىڭ ءۇش دۇركىن جۇلدەگەرى, ازيا بىرىنشىلىگىندە ءۇش مارتە توپ جارعان ءجاميلانىڭ قازاق سپورتىنىڭ تاريحىندا جىلنامانى جاڭالايتىن ءساتى تۋىپ تۇر. ولاي دەيتىنىمىز, ەلىمىزدىڭ سپورتشىلارى جازعى ازيا ويىندارىنا 1994 جىلدان بەرى تۇراقتى تۇردە قاتىسىپ كەلەدى. ايەلدەر كۇرەسىنەن 30 جىلدىڭ ىشىندە جازعى ازيا ويىندارىندا قىزدارىمىز تەك ءبىر رەت چەمپيون اتاندى. 2010 جىلى قىتايدىڭ گۋانجوۋ قالاسىندا وتكەن جازعى ازيا ويىندارىندا ەلەنا شالىگينا التىن مەدال يەلەندى. سودان بەرى ارادا ءبىر مۇشەلدەن اسا ۋاقىت ءوتتى, قىزدارىمىز قايرات تانىتا الماي كەلەدى. ەلەنانىڭ رەسەيدەن كەلگەنىن ەسكەرسەك, ءجاميلا بارىن سالسا, قازاق سپورتىنىڭ تاريحىندا جازعى ازيا ويىندارىنىڭ التىنىن العان العاشقى بالۋان اتانارى ءسوزسىز. دەگەنمەن قارسىلاسى دا وڭايدان ەمەس, نامىستى قايراۋ كەرەك قالايدا.
