فوتو: استانا اكىمدىگى
«ۇستازدارىمىزعا, ۇستازدىق جولدا ەڭبەگى سىڭگەن ارداگەرلەرىمىزگە جانە ءبىلىم بەرۋ سالاسىنىڭ وزگە دە قىزمەتكەرلەرىنە ارناپ مەرەكەلىك كونتسەرت ۇيىمداستىرىپ, ەڭبەگىن اتاپ وتتىك. مەكتەپتەر مەن كوللەدجدەردىڭ ۇزدىك ۇستازدارى «قۇرمەتتى پەداگوگ» مەدالىمەن جانە 1 ميلليون تەڭگەنىڭ سەرتيفيكاتىمەن ماراپاتتالدى. قالانىڭ ءۇش ءبىلىم بەرۋ ۇيىمىنا (مەكتەپ, بالاباقشا, كوللەدج) «ۇزدىك ءبىلىم بەرۋ ۇيىمى» اتاعى جانە 10 ميلليون تەڭگەنىڭ سەرتيفيكاتى تاپسىرىلدى. ۇستازدىڭ ەڭبەگى ارقاشان باعالى. مۇعالىمدەر بالالارعا ءبىلىم بەرىپ قانا قويماي, قابىلەتىن انىقتاپ, ومىردەن ءوز جولىن تابۋىنا جاردەم بەرەدى. پەداگوگتەردىڭ كاسىبيلىگى مەن ءوز ىسىنە دەگەن جاناشىرلىعىنىڭ ارقاسىندا ءبىلىمدى جانداردىڭ بىرنەشە بۋىنى قالىپتاستى», دەپ جازدى اكىم Instagram پاراقشاسىندا.
وسى رەتتە ول مەملەكەت باسشىسى ۇستازدار قاۋىمىنا جاعداي جاساۋعا جانە قولداۋ كورسەتۋگە ەرەكشە نازار اۋداراتىنىن ەسكە سالدى.
ء«بىز ءوز تاراپىمىزدان مەكتەپكە قاجەتتى ينفراقۇرىلىم سالۋ جۇمىسىن جالعاستىرامىز. پرەزيدەنت قاسىم-جومارت توقاەۆتىڭ تاپسىرماسى بويىنشا ەلوردادا «جايلى مەكتەپ» ۇلتتىق جوباسى جۇزەگە اسىرىلىپ جاتىر. وسى جۇمىس اياسىندا 2024-2025 جىلدارى 90 مىڭ وقۋشى ورنىنا ارنالعان 24 مەكتەپ سالىنادى», دەلىنگەن جازبادا.
ونىڭ ايتۋىنشا, 2027 جىلعا دەيىن باس-اياعى 180 مىڭعا جۋىق وقۋشى ورنىنا ارنالعان 65 مەكتەپ سالىنادى. بۇل شارالار مەكتەپتەردىڭ شامادان تىس جۇكتەمەسىن رەتتەپ قانا قويماي, بولاشاقتا ورىن تاپشىلىعى ماسەلەسىن تولىعىمەن شەشۋگە مۇمكىندىك بەرەدى.
«قۇرمەتتى پەداگوگتەر! سىزدەردى كاسىبي مەرەكەلەرىڭىز – ۇستازدار كۇنىمەن شىن جۇرەكتەن قۇتتىقتايمىن! دەندەرىڭىزگە ساۋلىق, ەڭبەكتەرىڭىزگە تابىس جانە باق-بەرەكە تىلەيمىن!», دەپ جازدى جەڭىس قاسىمبەك.
