اۋىل شارۋاشىلىعى ۆيتسە-ءمينيسترى باعلان بەكباۋوۆ بيىل رەسپۋبليكانىڭ اوك سالاسىندا 5,3 مىڭعا جۋىق جۇمىس ورنىن قۇرۋ ارقىلى 444 ملرد تەڭگەدەن اسا سوماعا 322 جوبانى ىسكە اسىرۋ جوسپارلانعانىن باياندادى. بۇگىنگى تاڭدا قۇنى 130 ملرد تەڭگە 115 جوبا پايدالانۋعا بەرىلدى, 1,7 مىڭ جاڭا جۇمىس ورنى اشىلدى.
سونداي-اق مينيسترلىك قالىپتاستىرعان 2023-2026 جىلدارعا ارنالعان پۋل شامامەن 36 مىڭ جۇمىس ورنىن قۇرا وتىرىپ, 2,7 ترلن تەڭگەنى قۇرايتىن 877 ينۆەستيتسيالىق جوبانى ىسكە اسىرۋدى كوزدەيتىنى اتاپ ءوتىلدى. بۇل رەتتە جوبالاردى پايدالانۋعا بەرۋدىڭ ناقتى مەرزىمدەرى بەلگىلەنگەن وڭىرلىك جول كارتالارى بەكىتىلدى.
سونىمەن قاتار وتىرىستا شەتەلدىك ينۆەستورلاردىڭ قاتىسۋىمەن ءىرى جوبالاردى ىسكە اسىرۋ ماسەلەلەرى تالقىلاندى.
سىرتقى ىستەر ءمينيسترىنىڭ ورىنباسارى نازيرا نۇرباەۆا «Kazakh Invest» بازاسىندا (احقو-مەن بىرلەسىپ) Task Force شەڭبەرىندە ازىرلەنىپ جاتقان ستراتەگيالىق ينۆەستيتسيالىق جوبالاردىڭ جالپى پۋلى قۇنى 13 ملرد دوللاردان اساتىن 70 جوبادان تۇراتىنىن اتاپ ءوتتى. 14 جوبا ينۆەستيتسيالار تۋرالى كەلىسىمدەردى ازىرلەۋ ساتىسىندا تۇر.
جيىن قورىتىندىسىنا سايكەس رومان سكليار مۇددەلى مەملەكەتتىك ورگاندارعا بىرقاتار تاپسىرما بەرىپ, جوسپارلانعان بارلىق ينۆەستيتسيالىق جوبانى ۋاقتىلى جۇزەگە اسىرۋدىڭ ماڭىزدى ەكەنىن اتاپ ءوتتى.
