ماسەلەن, پرەمەر-ءمينيستردىڭ مىندەتتەرىنە ۇكىمەتتىڭ قىزمەتىنە باسشىلىق ەتۋ, ەكونوميكالىق, قارجى, فيسكالدىق جانە كەدەن ساياساتىنىڭ, مەملەكەتتىك بيۋدجەتتىڭ ستراتەگيالىق ماسەلەلەرى, مەملەكەتارالىق قاتىناستار مەن حالىقارالىق ىنتىماقتاستىق ماسەلەلەرىن شەشۋ كىرەدى.
سونىمەن قاتار پرەمەر-ءمينيستردىڭ قاراۋىنا شەتەلدىك ينۆەستيتسيالار تارتۋ جانە ينۆەستيتسيالىق احۋالدى جاقسارتۋ, قورعانىس جانە قۇقىقتىق ءتارتىپ, مەملەكەتتىك اكتيۆتەردى باسقارۋ, سالالاردى تسيفرلاندىرۋ جانە تسيفرلىق ەكونوميكانى دامىتۋ, قورعانىس ونەركاسىبى كەشەنىن دامىتۋ ماسەلەلەرى كىرەدى.
بۇدان بولەك, پرەمەر-مينيستر رەسپۋبليكالىق بيۋدجەت كوميسسياسىنىڭ, ەكونوميكالىق ساياسات جونىندەگى كەڭەستىڭ, جاڭعىرتۋ جونىندەگى ۇلتتىق كوميسسيانىڭ جانە باسقا دا كونسۋلتاتيۆتىك-كەڭەسشى ورگانداردىڭ جۇمىسىنا باسشىلىق جاسايدى.
پرەمەر-ءمينيستردىڭ ءبىرىنشى ورىنباسارى رومان سكليارعا ەكونوميكانى جانە وڭىرلىك ساياساتتى جەدەل باسقارۋ, كولىك ينفراقۇرىلىمى مەن لوگيستيكانى دامىتۋ, تۇرعىن ءۇي-كوممۋنالدىق شارۋاشىلىقتى, مۇناي-گاز سەكتورى مەن مۇناي حيمياسىن سالۋ جانە جاڭعىرتۋ ماسەلەلەرى بەكىتىلدى.
ول سونداي-اق ەنەرگيا ۇنەمدەۋدى جانە ەنەرگيا تيىمدىلىگىن ارتتىرۋدى, جاڭارتىلاتىن ەنەرگيا كوزدەرىن, كومىر ونەركاسىبىن, اتوم ونەركاسىبىن جانە يادرولىق ەنەرگەتيكانى دامىتۋ ماسەلەلەرى, يننوۆاتسيالار, تەحنيكالىق رەتتەۋ, ەلەكتر ەنەرگەتيكاسى, گەولوگيا جانە جەر قويناۋىن پايدالانۋ, ەكسپورتتىق باقىلاۋ, قورشاعان ورتانى قورعاۋ, تابيعي رەسۋرستاردى پايدالانۋ, توتەنشە جاعدايلار جانە جۇمىلدىرۋ جۇمىستارى ماسەلەلەرىنە جەتەكشىلىك ەتەدى.
سونىمەن قاتار رومان سكليار جىلىتۋ ماۋسىمدارىنا دايىندىق جانە ونى وتكىزۋ, ارنايى ەكونوميكالىق جانە يندۋستريالىق ايماقتاردى دامىتۋدى ۇيلەستىرۋ, ۇيىمدار مەن مەملەكەتتىك ورگانداردىڭ تاۋارلاردى, جۇمىستار مەن كورسەتىلەتىن قىزمەتتەردى ساتىپ الۋى كەزىندە قازاقستاندىق قامتۋ ۇلەسىن ۇلعايتۋ جونىندەگى مەملەكەتتىك ساياساتتى ىسكە اسىرۋ, عارىش قىزمەتى, اسكەري قاۋىپسىزدىك, تۋريزم ينفراقۇرىلىمىن دامىتۋ جانە سپورت ماسەلەلەرىن ۇيلەستىرەتىن بولادى.
پرەمەر-ءمينيستردىڭ ورىنباسارى ەرۇلان جاماۋباەۆ قارجى سەكتورى, ماكروەكونوميكالىق ساياسات, بيۋدجەت, سالىق جانە كەدەن ساياساتى, مەملەكەتتىك جوسپارلاۋ جۇيەسى, تاريف ساياساتى, شاعىن جانە ورتا كاسىپكەرلىكتى دامىتۋ, كونتسەسسيا ماسەلەلەرىن قوسا العاندا مەملەكەتتىك-جەكەشەلىك ارىپتەستىكتى دامىتۋ ماسەلەلەرىن ۇيلەستىرەتىن بولادى.
سونىمەن قاتار ەرۇلان جاماۋباەۆتىڭ مىندەتىنە بيزنەستىڭ پروبلەمالىق ماسەلەلەرىن, ونىڭ ىشىندە اكىمشىلىك كەدەرگىلەردى ازايتۋ ماسەلەلەرىن قاراۋ جانە شەشۋ, كۆازيمەملەكەتتىك سەكتور سۋبەكتىلەرى قىزمەتىن رەفورمالاۋ جانە ت. ب. ماسەلەلەر كىرەدى.
پرەمەر-ءمينيستردىڭ ورىنباسارى مۇرات نۇرتىلەۋدىڭ مىندەتىنە قازاقستان رەسپۋبليكاسىنىڭ سىرتقى ساياسي باعدارىن ىسكە اسىرۋ, سىرتقى ەكونوميكالىق ساياساتىن جۇزەگە اسىرۋ جانە حالىقارالىق ءيميدجىن ىلگەرىلەتۋ, حالىقارالىق شارتتاردىڭ جاسالۋىن, ورىندالۋىن, وزگەرتىلۋىن, توقتاتىلا تۇرۋىن جانە توقتاتىلۋىن ۇيلەستىرۋ ماسەلەلەرى, ونىڭ ىشىندە قازاقستان رەسپۋبليكاسىنىڭ مەملەكەتتىك شەكاراسىن دەماركاتسيالاۋ, دەليميتاتسيالاۋ ماسەلەلەرى كىرەدى.
سونىمەن قاتار وعان سىرتقى ينۆەستيتسيالار تارتۋ, ينۆەستيتسيالىق احۋالدى جاقسارتۋ جانە حالىقارالىق نارىقتاردا قازاقستان رەسپۋبليكاسىنىڭ وڭ ءيميدجىن قالىپتاستىرۋ, ەلىمىزدىڭ شەت مەملەكەتتەرمەن جانە حالىقارالىق ۇيىمدارمەن ساۋدا-ەكونوميكالىق, قارجىلىق, عىلىمي جانە عىلىمي-تەحنيكالىق, مادەني, سونداي-اق وزگە دە بايلانىستارىن كەڭەيتۋ, كوشى-قون سالاسىنداعى حالىقارالىق ىنتىماقتاستىقتى ۇيلەستىرۋ مىندەتتەرى ءبولىندى.
پرەمەر-ءمينيستردىڭ ورىنباسارى تامارا دۇيسەنوۆانىڭ مىندەتىنە ءبىلىم بەرۋدى جانە عىلىمدى دامىتۋ, دەنساۋلىق ساقتاۋ, الەۋمەتتىك جاڭعىرتۋ, الەۋمەتتىك ساياسات, جۇمىسپەن قامتۋ, مەملەكەت پەن ازاماتتىق قوعامنىڭ ءوزارا ءىس-قيمىلى, مەملەكەتتىك جاستار جانە وتباسى ساياساتى, كونفەسسياارالىق جانە ەتنوسارالىق كەلىسىمدى قامتاماسىز ەتۋ ماسەلەلەرى كىرەدى.
بۇدان بولەك, ول مادەنيەتتى جانە سپورتتى دامىتۋ, مەملەكەتتىك ءتىلدى دامىتۋ, دەموگرافيا جانە كوشى-قون ساياساتى, «اۋىل اماناتى» باعدارلاماسىن جۇزەگە اسىرۋ ماسەلەلەرىنە جەتەكشىلىك ەتەدى.
پرەمەر-ءمينيستردىڭ ورىنباسارى سەرىك جۇمانعاريننىڭ مىندەتىنە ساۋدا ساياساتى, اگروونەركاسىپتىك كەشەن, جەر قاتىناستارى, ەۋرازيالىق ەكونوميكالىق وداق شەڭبەرىندەگى جانە دۇنيەجۇزىلىك ساۋدا ۇيىمى شەڭبەرىندەگى ىنتىماقتاستىق ماسەلەلەرى كىرەدى.
