ەل باسشىلىعىنىڭ باستاماسىمەن ورتاق مۇددەلەر مەن ءوزارا تۇسىنىستىك نەگىزىندە قۇرىلعان الەمدىك جانە ءداستۇرلى دىندەر ليدەرلەرى اراسىنداعى ديالوگ ءوزارا ىنتىماقتاستىق ءۇشىن كەڭ پەرسپەكتيۆالار اشادى جانە ءبىزدىڭ زامانىمىزدىڭ زورلىق-زومبىلىق, فاناتيزم, ەكسترەميزم جانە تەرروريزم سياقتى جاعىمسىز كورىنىستەرىن ەڭسەرۋگە ىقپال ەتەدى.
سەزدىڭ ماقساتى دىندەردىڭ الەمدىك جانە ءداستۇرلى نىساندارىندا جالپىادامزاتتىق باعدارلاردى ىزدەۋ, دىندەر ديالوگىن جۇزەگە اسىرۋ جانە كەلىسىلگەن شەشىمدەردى قابىلداۋ ءۇشىن تۇراقتى جۇمىس ىستەيتىن حالىقارالىق كونفەسسياارالىق ينستيتۋتىن قۇرۋ بولدى.
2003 جىلعى 23-24 قىركۇيەكتە وتكەن الەمدىك جانە ءداستۇرلى دىندەر ليدەرلەرىنىڭ I سەزى بارىسىندا فورۋمعا قاتىسۋشىلار سەزدىڭ جۇمىس ورگانى – حاتشىلىقتى قۇرۋ تۋرالى شەشىم قابىلدادى. الەمدىك جانە ءداستۇرلى دىندەر ليدەرلەرى سەزى حاتشىلىعىنىڭ باسشىسى قازاقستان رەسپۋبليكاسى پارلامەنتى سەناتىنىڭ توراعاسى, سەزگە قاتىساتىن الەمدىك دىندەر ليدەرلەرىنىڭ وكىلدەرى, ونىڭ ىشىندە يسلامنىڭ, حريستياننىڭ, ءيۋدايزمنىڭ, ءبۋدديزمنىڭ, ءداوسيزمنىڭ, ءسينتويزمنىڭ, ءيندۋيزمنىڭ, حالىقارالىق ۇيىمداردىڭ وكىلدەرى – مۇشەلەرى بولىپ تابىلادى.
وسى جىلدىڭ 11 قازانىندا الەمدىك جانە ءداستۇرلى دىندەر ليدەرلەرىنىڭ ءبىرىنشى سەزىنىڭ شاقىرىلعانىنا 20 جىل تولۋىنا وراي سەزدىڭ XXI حاتشىلىعى وتەدى. وسى جىلدار ىشىندە استانا كونفەسسياارالىق فورۋمى دىنارالىق ديالوگتىڭ باستى حالىقارالىق الاڭدارىنىڭ ءبىرى رەتىندە ءوزىنىڭ دۇرىستىعىن دالەلدەدى.
حاتشىلىقتىڭ الداعى وتىرىسىندا سەزدىڭ جۇمىسىن ۇيىمداستىرۋ جانە ونىڭ مازمۇندى بولىمدەرى جونىندەگى ماسەلەلەرى تالقىلانادى. «2023-2033 جىلدارعا ارنالعان الەمدىك جانە ءداستۇرلى دىندەر ليدەرلەرى سەزىن دامىتۋ تۇجىرىمداماسى» اتتى ماڭىزدى قۇجات قابىلدانادى.
بۇل تۇجىرىمداما 2022 جىلى وتكەن الەمدىك جانە ءداستۇرلى دىندەر ليدەرلەرىنىڭ VII سەزى باستامالارىنىڭ ءبىرى بولىپ تابىلادى. سەزدەردىڭ ەرەكشە جاۋاپكەرشىلىكپەن ۇسىنىلعان باستامالارى شىن مانىندە جۇزەگە اسىرىلادى جانە الەمدە توزىمدىلىك, ديالوگ جانە ءتۇسىنۋ قاعيداتتارىن ىلگەرىلەتۋگە قىزمەت ەتەدى. وتەتىن وتىرىستىڭ كۇن ءتارتىبى بويىنشا جەمىستى پىكىر الماسۋ كۇتىلىپ وتىر.
وسى فورۋمنىڭ تاعى ءبىر قىزىقتى ءساتى ءىس-شارانىڭ ەرىكتىلەرى رەتىندە جوو ستۋدەنتتەرىنىڭ ءداستۇرلى قاتىسۋى بولماق. بەلسەندى جاستار فورۋم جۇمىسىنا ءاردايىم قىزىعۋشىلىق تانىتىپ, قاتىسقىسى كەلەدى, شەتەلدىك دەلەگاتسيالارعا كومەكتەسەدى, اۋدارادى. شىن مانىسىندە سەزدىڭ يدەياسى – ديالوگ پەن ءوزارا كومەككە باعىتتالعان.
ج.ا. قاسىموۆا,
كونفەسسياارالىق جانە وركەنيەتارالىق ديالوگتى دامىتۋ جونىندەگى ن.نازارباەۆ ورتالىعى
جيىنتىق-تالداۋ دەپارتامەنتىنىڭ ديرەكتورى
