سونىڭ ءبىرى – ءوزىم. ماڭعىستاۋ اۋدانى قىزان اۋىلىنداعى ءا.جانگەلدين اتىنداعى ورتا مەكتەپتە تابان اۋدارماستان 45 جىل ۇستازدىق ەتتىم. ونىڭ 11 جىلىندا تاربيە ءىسى جونىندەگى ورىنباسار, 7 جىلىندا مەكتەپ ديرەكتورى قىزمەتىندە بولدىم. سول كەزدەگى ايلىق جالاقىنىڭ ءوزى قازىرگىشە ەسەپتەگەندە 100 مىڭ تەڭگەنىڭ كولەمىنە جەتەر-جەتپەس ەدى.
قازىر وبلىستا, اۋداندا ءارتۇرلى مەرەكەلىك ءىس-شارالار, ايتۋلى كۇندەر, ءتۇرلى جيىن-جينالىس وتەدى. بۇلاردان قالا مەن اۋدان باسىنداعى زەينەتكەر ۇستازدار بولماسا, اۋىلداعى ارداگەر, زەينەتكەر ۇستازدار قالىس قالادى. بيىلعى جازدا اقتوبە وبلىستىق ءبىلىم باسقارماسى 250 ۇستازعا تارازدىڭ «مەركى» شيپاجايىنا تەگىن جولداما بەردى. اقتوبەگە قاراعاندا ماڭعىستاۋ «قارا التىنعا» شومىلىپ وتىرىپ, مۇنداي يگىلىكتى ءىس جاساي الماي وتىر. الداعى ۋاقىتتا دا اكىمدەر مەن اعارتۋ سالاسىنىڭ باسشىلارى ويلانار, ويلانار دا قولعا الار دەپ ۇمىتتەنەمىن.
مەن بىلتىر جانە بيىل اقتوبەنىڭ مارتوك اۋدانى ء«زارۋ» شيپاجايىنا 500 مىڭ تەڭگەگە دەمالىپ كەلدىم. وندا دا زەينەتاقىمدى بىرنەشە اي جيناپ باردىم. جىل سايىن قازان ايىندا تويلاناتىن ۇستازدار كۇنى مەرەكەسى – ءبىز ءۇشىن «جابىق دۇنيە». اۋىل, اۋدان, وبلىس باسشىلارىنىڭ ەڭ بولماعاندا ءبىراۋىز جىلى ءسوزى دە جوق. «قاينايدى قانىڭ, اشيدى جانىڭ» دەپ اۋليە اباي ءدال ايتىپ كەتىپتى-اۋ...
جەتكىنشەك اۋەلباي ۇلى,
ارداگەر ۇستاز
ماڭعىستاۋ وبلىسى,
ماڭعىستاۋ اۋدانى
