ونىمدىلىكتى ارتتىرۋ ماقساتىندا مينەرالدى تىڭايتقىشتاردىڭ قۇنىن سۋبسيديالاۋ باعدارلاماسىنا سايكەس – 122 ملن تەڭگە, تۇقىم شارۋاشىلىعىن دامىتۋدى سۋبسيديالاۋعا 20 ملن تەڭگە, پەستيتسيدتەردىڭ, بيواگەنتتەردiڭ (ەنتوموفاگتاردىڭ) قۇنىن سۋبسيديالاۋعا 600 مىڭ تەڭگە ءبولىندى.
سونىمەن قاتار كۇزگى جيىن-تەرىم جۇمىستارىن جۇرگىزۋگە 44,3 توننا جەڭىلدەتىلگەن باعامەن بەرىلگەن جانار-جاعارماي اۋىل شارۋاشىلىعى تاۋارىن وندىرۋشىلەرگە 245 تەڭگەدەن بوساتىلىپ جاتىر. سونىمەن بىرگە مەگاپوليستە اۋىل شارۋاشىلىعى تەحنيكالارىنىڭ دايىندىعى 93 پايىزدى قۇراپ, كۇزگى جيىن-تەرىم ناۋقانىنا تولىعىمەن جۇمىلدىرىلدى.
رەسمي مالىمەت بويىنشا اپتا باسىندا الەۋمەتتىك ماڭىزى بار ازىق-ت ۇلىك تاۋارلارىنىڭ باعا يندەكسى 0,1 پايىزعا تومەندەگەن. ال جىل باسىنان بەرى باعا ءوسىمى 103,4 پايىزعا جەتىپ وتىر. ازىق-ت ۇلىكتىڭ قىمباتتىعى جونىنەن شىمكەنت وڭىرلەر اراسىندا 11-ورىندا تۇر.
«الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن تۇراقتاندىرۋ ماقساتىندا, بيۋدجەتتەن 8,7 ملرد تەڭگە ءبولىندى. قوماقتى قاراجات ەسەبىنەن 200-گە جۋىق ساۋدا ورىندارىندا ءبىرىنشى قاجەتتىلىككە كىرەتىن ازىق-ت ۇلىك تاۋارلارى نارىقتاعىدان تومەن باعادا ساتىلىپ جاتىر. سونىمەن قاتار ۇن, جۇمىرتقا, نان, كۇنباعىس مايى, سيىر, تاۋىق ەتتەرىن ءوندىرۋشى كاسىپورىندارمەن كەلىسىمشارتتار ءتۇزىلىپ, بەكىتىلگەن ساۋدا ورىندارىندا تاۋارلار ءوندىرۋشى باعاسىمەن ساتىلادى. 2023-2024 جىلدارداعى ماۋسىمارالىق كەزەڭدە كوكونىس ونىمدەرىنىڭ باعا ديناميكاسىن تۇراقتى ۇستاپ تۇرۋ ءۇشىن شارۋا قوجالىقتارىمەن فورۆاردتىق كەلىسىمشارتتار ءتۇزىلىپ, ماۋسىمدىق كەزەڭدە كوكونىستەر نارىققا شىعارىلاتىن بولادى. اپتا سايىن قالانىڭ 8 جەرىندە ازىق-ت ۇلىك جارمەڭكەلەرى ۇيىمداستىرىلىپ, كۇندەلىكتى تۇتىناتىن تاۋارلار نارىقتان 10-15% تومەن باعادا ساۋدالانادى. جىل باسىنان بەرى وسىنداي 320 جارمەڭكە وتكىزىلدى», دەدى اۋىل شارۋاشىلىعى باسقارماسىنىڭ باسشىسى ءابۋناسىر جانباتىروۆ.
سالا باسشىسىنىڭ ايتۋىنشا, باعانى قاداعالاۋ جانە دەلدالدىق قىزمەتتى شەكتەۋ باعىتىندا قۇزىرلى مەكەمەلەرمەن ارنايى كوميسسيا قۇرىلعان. قاڭتاردان بۇگىنگە دەيىن كوميسسيا 77 وتىرىس وتكىزگەن. تالداۋ جۇمىستارىنىڭ ناتيجەسىندە كوميسسيا 90-عا جۋىق زاڭبۇزۋشىلىق دەرەكتەرىن انىقتاعان. بۇگىنگى تاڭدا, كەمشىلىكتەردىڭ تولىعىمەن جويىلعانىن باياندادى باسقارما باسشىسى. سونداي-اق كاسىپكەرلىك سۋبەكتىلەرگە ەلەكتروندىق شوت-فاكتۋرالار ارقىلى حرونومەتراجدىق زەرتتەۋ جۇرگىزىلىپ, 54 جەكە كاسىپكەر اكىمشىلىك جاۋاپكەرشىلىككە تارتىلدى. باعانى نەگىزسىز وسۋىنە جول بەرمەۋ ماقساتىندا ساۋدا جەلىلەرى, بازارلار مەن تاۋار وندىرۋشىلەرمەن ءوزارا ىنتىماقتاستىق تۋرالى مەموراندۋم تۇزىلگەن.
«جالپى قالا اۋماعىندا ازىق-ت ۇلىك تاۋارلارىنىڭ تاپشىلىعى جوق, باعا تۇراقتى باقىلاۋدا ۇستاپ وتىرمىز», دەدى سالا وكىلى.
شىمكەنت
