– زۋحرا, جەڭىستەن كەيىن قانداي سەزىمدە تۇرسىز؟
– توپ جارعانىما وتە قۋانىشتىمىن. ءالى دە تولقىپ تۇرمىن. بارلىعى ويداعىداي بولعانىنا ريزامىن.
– جەكەلەي سايىستا – ءبىرىنشى, كوماندالىق جارىستا ەكىنشى ورىن الدىڭىزدار. كوماندالىق باسەكەدە جەڭىسكە جەتۋ ءۇشىن نە كەدەرگى بولدى؟
– ازيا ويىندارىنا العاش رەت قاتىسىپ وتىرمىز. سوندىقتان قوبالجىماي, دالدىكپەن نىسانانى كوزدەگەندەنىمىزدە, كوماندالىق سايىستا ءبىرىنشى ورىن الاتىن ەدىك. بۇل جارىس قوي, ءدال قازىر كىم مىقتى بولسا, سول جەڭىسكە جەتەدى. الدا ءالى تالاي جۇلدە الاتىنىما سەنىمدىمىن.
– جارىس بارىسى تۋرالى نە ايتار ەدىڭىز؟
– ءبىرىنشى كەزەڭدە ءتورتىنشى ورىن الدىم. ەكىنشى كەزەڭ الدىندا ءوزىمدى قايراپ, پسيحولوگيالىق تۇرعىدا دايىندالىپ شىقتىم. سوڭعى ءۇشىنشى كەزەڭدە جەڭىمپاز اتاناتىنىما سەنىمدى بولدىم.
– ازيا ويىندارىنا دايىندىق قالاي ءوتتى؟
– ازيا ويىندارى الدىندا قۇراما قىز-جىگىتتەرى كۇنىنە ەكى رەتتەن دايىندىق جۇرگىزدى. جەكە باپكەرىمىز جەڭىسكە جەتۋ ءۇشىن بارىن سالدى. باپكەر مەن بىزگە قولداۋ كورسەتكەن بارشاڭىزعا راحمەت ايتقىم كەلەدى.
– بۇل سپورت وليمپيادا باعدارلاماسىندا جوق. نىسانا كوزدەۋدىڭ باسقا تۇرىنە اۋىسقىڭىز كەلمەي مە؟
– جوق, ونداي ويىمىز جوق. سەبەبى بۇل سپورت ءتۇرى بىزگە ۇنايدى. مەنىڭ سىڭارىم فاتيما كىشكەنە اۋىرىڭقىراپ قالدى. ايتپەسە ونىڭ ناتيجەسى مەنەن دە اسىپ تۇسەر ەدى.
