akorda.kz
دوڭگەلەك ۇستەلدە سويلەگەن سوزىندە مەملەكەت باسشىسى اۋىلشارۋاشىلىعى سالاسىنداعى ارىپتەستىك بايلانىس پەن ىنتىماقتاستىقتى نىعايتۋدىڭ مۇمكىندىگى مول ەكەنىن ايتتى.
«قازاقستان ءوڭىردىڭ ازىق-ت ۇلىك حابىنا اينالۋدى جوسپارلاپ وتىر. وسى ماقساتتا ءونىم ءوندىرۋ, ساقتاۋ جانە تاراتۋ جۇمىستارىن ۇشتاستىراتىن ساۋدا-لوگيستيكالىق بايلانىستاردىڭ وڭىرارالىق جۇيەسى قۇرىلادى. قازاقستاننىڭ اۋىل شارۋاشىلىعىن ورنىقتى دامىتۋعا ءارتۇرلى سالادا, سونىڭ ىشىندە بيوتەحنولوگياعا جانە تىڭايتقىشتار وندىرۋگە, سپۋتنيك ارقىلى زوندتاۋعا جانە جاساندى ينتەللەكتىگە, اۋىل شارۋاشىلىعى تەحنيكاسىن شىعارۋعا, يرريگاتسياعا, سونداي-اق تاماق ونەركاسىبىنە, گەنەتيكا مەن جاڭارتىلاتىن ەنەرگيا كوزدەرىنە ماماندانعان گەرمانيانىڭ كوپتەگەن كومپانياسى تارتىلۋى مۇمكىن. ءبىز IT ونىمدەر مەن قىزمەتتەر ەكسپورتىن 1 ميلليارد دوللارعا دەيىن ۇلعايتۋدى جانە 2025 جىلعا قاراي جاھاندىق دەڭگەيدەگى باسەكەگە قابىلەتتى 100 مىڭ IT مامان دايىنداۋ ارقىلى ادامي كاپيتالدى نىعايتۋدى جوسپارلاپ وتىرمىز. ءبىز گەرمانيالىق سەرىكتەستەرىمىزبەن ىنتىماقتاستىقتىڭ بىرنەشە باعىتى بويىنشا, سونىڭ ىشىندە عىلىمي-زەرتتەۋ جانە تاجىريبەلىك-كونسترۋكتورلىق جۇمىستار, ستارتاپتار, ءبىلىم بەرۋ, بايلانىستار جانە باسقا دا وزەكتى سالالارداعى جوبالاردى ىسكە اسىرۋعا دايىنبىز», دەگەن پرەزيدەنت ىنتىماقتاستىقتىڭ ءبىر باعىتى ەسەبىندە ءىت تەحنولوگيا سالاسىن دا ورىستەتۋگە بولاتىنىن جەتكىزدى.
«پرەزيدەنت قازاقستاننىڭ تسيفرلىق ترانسفورماتسيا باعىتىنداعى باستامالارى الەمدىك دەڭگەيدە مويىندالعانىن اتاپ ءوتتى. بۇۇ ءبىزدىڭ ەلەكتروندى ۇكىمەت جۇيەسىن توپ-30 تىزىمىنە ەنگىزدى», دەلىنگەن اقوردانىڭ حابارلاماسىندا.
