جيىندا پارلامەنت سەناتىنىڭ دەپۋتاتى دارحان قىدىرالىنى تىركەۋ تۋرالى قاۋلى قابىلداندى.
– «قازاقستان رەسپۋبليكاسىنىڭ پارلامەنتى جانە ونىڭ دەپۋتاتتارىنىڭ مارتەبەسى تۋرالى» كونستيتۋتسيالىق زاڭنىڭ 24-بابىنىڭ 1-تارماعىنا سايكەس جانە قازاقستان رەسپۋبليكاسى پرەزيدەنتىنىڭ «د.ق.قىدىرالىنى تاعايىنداۋ تۋرالى» 2023 جىلعى 26 قىركۇيەكتەگى №360 جارلىعىنىڭ نەگىزىندە قازاقستان رەسپۋبليكاسىنىڭ ورتالىق سايلاۋ كوميسسياسى قاۋلى ەتتى. ول بويىنشا پارلامەنت سەناتىنىڭ دەپۋتاتى بولىپ دارحان قۋاندىق ۇلى قىدىرالى تىركەلىپ, دەپۋتاتقا ءتيىستى كۋالىك جانە ومىراۋعا تاعاتىن بەلگى تاپسىرىلدى, – دەدى جيىندا وسك باسشىسى نۇرلان ءابدىروۆ.
مۇنان كەيىن وسك توراعاسى جاڭادان تاعايىندالعان سەناتورعا بەلگىلەنگەن ۇلگىدەگى كۋالىك پەن ومىراۋ بەلگىسىن تابىستاپ, دەپۋتاتتىڭ وكىلەتتىگى ورتالىق سايلاۋ كوميسسياسى ونى تىركەگەن ساتتەن باستالاتىنىن اتاپ ءوتتى.
