شەتتەن كەلگەن دارىگەرلەر ءبىر اپتا بويى ناۋقاستاردى وڭالتۋ شاراسىمەن اينالىستى. ناتيجەسىندە, كورەيلىك دارىگەرلەر جەزقازعان, ساتباەۆ قالالارىنان 450-دەن اسا ناۋقاستى, سونىڭ ىشىندە 125 سىرقات بالانى ەمدەدى. سال جانە پسيحولوگيالىق كەش دامۋ دەرتىنە ۇشىراعان بالالاردىڭ ەمدەلۋىنە قاتىستى اقىل-كەڭەستەرىن بەرگەن دارىگەرلەر مۇنداي سىرقاتتاردى ودان ءارى وڭالتۋ جولدارىن ۇسىندى.
وبلىس حالقىنىڭ دەنساۋلىعىن ساقتاۋ, نىعايتۋ باعىتىنداعى الەمدىك وزىق تاجىريبەلەردى پايدالانۋدىڭ بەرەرى مول. مۇنداي يىگىلىكتى ءىس-شارا حالىقارالىق يننوۆاتسيالىق ونەركاسىپتىك كونسورتسيۋم (R&IID Xيوك), «قازاقمىس كورپوراتسياسى» جشس جانە «Severance-KZ حالىقارالىق مەديتسينالىق قورى» قق ۇيىمداستىرعان ەرىكتىلەر باعدارلاماسى اياسىندا مۇمكىن بولدى.
– ءبىز ەكىجاقتى ءتيىمدى بايلانىس ورناتۋ ارقىلى حالىق دەنساۋلىعىن نىعايتۋعا ءبىلىم-بىلىگىمىزدى بىرلەسە جۇمساۋعا قۋانىشتىمىز, – دەيدى حالىقارالىق يننوۆاتسيالىق ونەركاسىپتىك كونسورتسيۋمنىڭ باسقارۋشىسى الەكسەي ان.
جەزقازعان
