سۋرەتتى تۇسىرگەن – ەرلان ومار, «ەQ»
پرەزيدەنت ەلىمىزدە ونەركاسىپتى دامىتۋ, اۋىلشارۋاشىلىق ونىمدەرىن ءوندىرۋدى ارتتىرۋ كەرەك ەكەندىگىن ۇنەمى ايتىپ كەلەدى. سونداي-اق مەملەكەت باسشىسى ءار جولداۋى سايىن ەلىمىز ءۇشىن ادىلدىك پەن دەموكراتيانىڭ ورنى ەرەكشە ەكەندىگىن ەسكە سالىپ, ونى نىعايتۋ جولىندا بار كۇش-جىگەرىمىزدى جۇمىلدىرۋ كەرەك ەكەندىگىن العا تارتادى. بۇل جولعى جولداۋدا دا حالىقتىڭ ءال-اۋقاتى مەن ءومىر ساپاسىن جاقسارتۋعا باسا نازار اۋدارىلعان.
جولداۋ جۇكتەگەن مىندەتتەردى ورىنداۋدا تاسقالا اۋدانى تۇرعىندارى ء«بىر جاعادان باس, ءبىر جەڭنەن قول شىعارىپ», اۋىزبىرشىلىك تانىتۋدا. ارقاعا ارتىلار جۇكتىڭ اۋىر سالماعىن سەزىنە وتىرىپ, ىلكىمدى جوسپاردى ىسكە اسىرۋ جولىندا ەلدەگى اعايىن ەش ايانىپ قالماق ەمەس.
ارينە, كەرەك كاسىپتىڭ كوزىن تاۋىپ دوڭگەلەنتىپ وتىرعان كاسىپكەر جاندارعا دا وڭاي ەمەس ەكەندىگى تۇسىنىكتى. ولاردىڭ الدىندا وندىرەتىن ەت, ءسۇت, استىق ونىمدەرىن تەرەڭ وڭدەۋ مىندەتى تۇر. ال بيلىك «اۋىل اماناتى» باعدارلاماسى بويىنشا جەڭىلدەتىلگەن نەسيە بەرۋدى جانداندىرۋدى مىقتاپ قولعا السا, كاسىپ اشامىن دەگەن تۇرعىندار اراسىندا تۇسىنىكتەمە جۇمىستارىن جۇرگىزىپ, جۇمىسسىز جۇرگەن جاستاردى كاسىپكەرلىككە باۋلۋ جۇمىستارىن جالعاستىرسا, نۇر ۇستىنە نۇر بولار ەدى. سونداي-اق پرەزيدەنت «اۋىل اماناتى» باعدارلاماسى بويىنشا تەك جەڭىلدەتىلگەن نەسيە بەرۋمەن عانا شەكتەلمەي, جەكە قوسالقى شارۋاشىلىق يەلەرىن بىرىكتىرۋگە باعىت ۇستانۋ كەرەك», دەدى.
مىسالى, ءبىزدىڭ ەلدەگى دوستىق اۋىلدىق وكرۋگىندە تۇراتىن كاسىپكەر ەركەبۇلان قازيوللا ۇلى ءونىم ءوندىرۋدى دامىتۋ ماقساتىندا اقتوبە وبلىسىنان 15 سيىر, 20 قاشار ساتىپ العان-دى. ال مەرلان يساعاليەۆ دەگەن ازامات مەملەكەت تاراپىنان گرانت الىپ, قازىرگى تاڭدا كارتوپ, ءسابىز, قىرىققابات, قىزىلشا, قىزاناق سىندى كوكونىستەر ءوسىرىپ, جاقسى ناتيجەگە قول جەتكىزىپ جاتقاندىعى جونىندە ءجيى اۋىزعا ىلىگەدى. ول جايىندا اۋداندىق گازەتتەر دە جارىسا ماقالا جاريالاپ جاتىر.
بيىلعى جولداۋ ءبىزدىڭ اۋدانىمىزدىڭ 90 جىلدىق تويى قارساڭىندا جاريالانىپ وتىر. ءبىز بۇعان وتە قۋانىشتىمىز. اۋدان ەڭبەككەرلەرى جولداۋدا كورسەتىلگەن بارلىق ماسەلەنى وڭىنان شەشۋ جولىندا ەش ايانىپ قالماق ەمەس. ال مۇنىڭ ءوزىن اۋدان ەكونوميكاسىنىڭ دامۋىنا قوسىلعان قوماقتى ۇلەس دەپ باعالاۋعا ءتيىسپىز.
قورىتا ايتقاندا, پرەزيدەنت جولداۋىنىڭ باستى قاعيداسى – ادىلەتتى قازاقستان جانە ادال ازامات ۇعىمدارى قاتار جۇرەتىن قۋاتتى قازاقستاندى قالىپتاستىرۋ. بۇل دەگەنىمىز – ەلىمىزدىڭ بولاشاعى ءۇشىن بىرلەسە كۇش بىرىكتىرىپ, حالىقتىڭ تۇرمىسىن جاقسارتىپ, ەكونوميكالىق تابىستى ارتتىرۋ. سوندىقتان ءوز باسىم بۇل جولعى جولداۋدىڭ ماڭىزى زور, ماقساتى ايقىن دەپ ويلايمىن.
بيسەنباي وتەگەنوۆ,
زەينەتكەر, اۋداندىق قوعامدىق
كەڭەس مۇشەسى
باتىس قازاقستان وبلىسى,
تاسقالا اۋدانى
