اۋلەتتىڭ بۇكىل جيىنتىق ءوتىلى 616 جىلدى قۇرايدى ەكەن. اتالعان جيىنتىق ەڭبەك ءوتىلى ەڭبەك كىتاپشالارىمەن راستالعان. تۇكىباەۆتار وتباسى بەسىنشى بۋىندا دا ءوزىنىڭ قيىن كاسىبىنە تاباندىلىق تانىتىپ, اينىماعان. ۇلكەندەرى بىلىمدەرى مەن تاجىريبەلەرىن اۋلەتتىڭ جاس تەمىرجولشىلارىنا بەرىپ وتىرعان. ءار جىلدارى تەمىرجولدا تۇكىباەۆتار وتباسىنىڭ 35 وكىلى جۇمىس ىستەگەن.
اتالعان اۋلەت «ەڭبەك جولى» رەسپۋبليكالىق بايقاۋىنىڭ «ۇزدىك ەڭبەك اۋلەتى» نوميناتسياسى بويىنشا جەڭىمپاز اتانىپ وتىرعان.
اۋلەت نەگىزىن قالاۋشىلار – اعايىندى ماۋكەن, ءىلياس, سىدىق ۇشەۋى تەمىرجولداعى ەڭبەك جولىن سوناۋ 30-ىنشى جىلدارى باستاپ, تۇركىستان–سىبىر تەمىرجولىنىڭ قۇرىلىسىنا قاتىسقان ەكەن.
ماۋكەن تۇكىباەۆ پويىز كوندۋكتورى, سودان كەيىن ستانتسيا بويىنشا كەزەكشى بولعان. ەكىنشى دۇنيەجۇزىلىك سوعىس جىلدارىندا ستانتسيا باستىعى بولىپ جۇمىس ىستەپ, اسكەري وق-دارىلەر مەن ازىق-ت ۇلىكتەردى مايدانعا ۇزدىكسىز ءارى قاۋىپسىز جەتكىزۋ جۇمىستارىن قامتاماسىز ەتۋگە ۇلەس قوسقان. ونىڭ اعالارى ءىلياس پەن سىدىق تۇكىباەۆتار جول ديستانتسياسىندا جۇمىس اتقارعان.
اكەلەرىنىڭ ەرەن ەڭبەگىن بالالارى ماليكريان ماۋكەن ۇلى, سەرىكقان ءىلياس ۇلى, عالي سىدىق ۇلى, زۇلكۇمار سىدىق ۇلى ابىرويمەن جالعاستىرعان. وسى كۇندەرى تەمىر جولدا تۇكىباەۆتار اۋلەتىنىڭ نەگىزىن قالاۋشىلاردىڭ نەمەرەلەرى مەن شوبەرەلەرى جۇمىس ىستەپ ءجۇر.
