فوتو: kyiv.comments.ua
الماتى قالالىق قوعامدىق دەنساۋلىق ساقتاۋ باسقارماسىنىڭ مالىمەتى بويىنشا, حالىقتى يممۋنداۋ ءۇشىن تۇماۋعا قارسى «گريپپول+» ۆاكتسيناسىنىڭ 250 مىڭ دوزاسى ساتىپ الىنعان.
«گريپپول+» يناكتيۆاتسيالانعان ۆاكتسينا رەسەيدە وندىرىلگەن. اتالعان ۆاكتسينانىڭ قۇرامىندا تۇماۋ ۆيرۋسىنىڭ ا (H1N1 جانە H3N2) جانە ۆ قوسالقى ءتيپىنىڭ شتامدارى بار.
«ەگۋگە ءبىرىنشى كەزەكتە مەديتسينا قىزمەتكەرلەرى, مەديتسينالىق مەكەمەلەردە ەسەپتە تۇرعان بالالار, جەتىم جانە اتا-اناسىنىڭ قامقورلىعىنسىز قالعان بالالار, جۇكتى ايەلدەر مەن 60 جاستان اسقان موسقال ادامدار جاتادى. نەگىزگى اۋرۋعا بايلانىستى تۇماۋدىڭ نەعۇرلىم اۋىر تۇرىنە بەيىم ادامدار دا ۆاكتسيناتسيالانۋى كەرەك», دەلىنگەن حابارلاماد
ەكپە ەگۋ ناۋقانى قاراشا ايىنىڭ سوڭىنا دەيىن جۇرگىزىلەدى. تۇماۋعا قارسى ەكپەدەن كەيىن تولىق يممۋنيتەتكە جەتۋ ءۇشىن ەكى اپتا كەرەك. سول ۋاقىت ارالىعىندا تۇماۋ جانە باسقا ۆيرۋستىق اۋرۋ بەلگىسى بار ادامدارمەن قارىم-قاتىناستى شەكتەۋ قاجەت.
دارىگەرلەر تۇماۋ اسقىنۋ مەن ءولىم قاتەرىنە بايلانىستى قاۋىپتى ەكەنىن ەسكە سالادى. ەگەر كەيبىر ادام تۇماۋمەن اۋىرعاندا, بىرنەشە كۇن عانا قينالسا, تۇماۋ نارەستەگە, قارت ادامعا جانە يممۋنيتەتى السىرەگەن ادامعا جۇقسا, ولاردا اۋرۋ قاتتى اسقىنىپ, ءتىپتى ولىمگە اكەلۋى مۇمكىن.
