جالپى وتىرىستا دەپۋتاتتارعا اقپاراتتىق قاۋىپسىزدىك ماسەلەلەرى تۋرالى زاڭ جوباسىن تالقىلاۋ ۇسىنىلادى. زاڭ جوباسى ءماجىلىس دەپۋتاتتارىنىڭ باستاماسىمەن ازىرلەنگەن. قۇجات دەربەس دەرەكتەر جانە ولاردى قورعاۋ تۋرالى زاڭنامانىڭ ساقتالۋىنا مەملەكەتتىك باقىلاۋدى ەنگىزۋگە, «دەربەس دەرەكتەردىڭ قاۋىپسىزدىگىن بۇزۋ» ۇعىمىن انىقتاۋعا جانە جەكە باسىن كۋالاندىراتىن قۇجاتتاردىڭ قاعاز كوشىرمەلەرىن جيناۋعا جانە وڭدەۋگە تىيىم سالۋدى بەلگىلەۋگە باعىتتالعان. زاڭ جوباسى 12 زاڭنامالىق اكتىگە وزگەرىستەر مەن تولىقتىرۋلار ەنگىزۋدى كوزدەيدى.
دەپۋتاتتار الداعى جالپى وتىرىستا قازاقستان مەن كيپر اراسىنداعى ۇستاپ بەرۋ تۋرالى شارتتى راتيفيكاتسيالاۋ تۋرالى زاڭ جوباسىن قارايدى. سونىمەن قاتار بيۋرو وتىرىسىندا «حالىقتىڭ شامادان تىس كرەديت الۋىن ازايتۋ جانە قارجىلىق ساۋاتتىلىقتى ارتتىرۋ تۋرالى» ماسەلەسى بويىنشا پارلامەنتتىك تىڭداۋ وتكىزۋ جونىندە ماسەلە قارالدى.
