فوتو: Zhetysu.police
Zhetysu.police ينستاگرام پاراقشاسىنداعى مالىمەت بويىنشا, 43 جاستاعى ەر ادام باسقارعان BMW اۆتوكولىگىندە پوليتسەيلەر زاڭسىز اۋلانعان بالىقتى تاركىلەگەن. بالىقتاردىڭ ءبىرى قر قىزىل كىتابىنا ەنگەن بەكىرە تۇقىمداس بالىق بولىپ شىققان.
اتالعان اۆتوكولىك تالدىقورعان-ۇشتوبە تاس جولىنىڭ 40 شاقىرىمىندا ۇستالعان.
«ساراپتاما تاركىلەنگەن بەكىرە تۇقىمداس ءپىلماي بالىق ەكەنىن راستادى. بولجام بويىنشا, ۇستالعان ادام قاراتال وزەنىنىڭ تومەنگى اعىسىندا بالىق اۋلاۋعا تىيىم سالىنعان جەردە بالىق اۋلاعان. قازىر سوتقا دەيىنگى تەرگەۋ امالدارى باستالدى», دەدى جەتىسۋ وبلىسى پد تابيعاتتى قورعاۋ پوليتسياسىنىڭ اعا ينسپەكتورى باعلان رىمجانوۆ.
