uww.org
ريزابەك جاستار اراسىندا الەم چەمپيوناتىنىڭ كۇمىس جۇلدەگەرى. ەرەسەكتەر قاتارىنا ەندى قوسىلعان 19 جاستاعى بالۋان ءوزىنىڭ مىنەزدىلىگىن كورسەتىپ, فينالعا دەيىنگى قارسىلاستارىن ايقىن ۇتتى. ىرىكتەۋ بەلدەسۋىن ەكىنشى اينالىمنان باستاعان بالۋان ماجارلىق بالاش يۋحاشتى ۇتتى. جارتىلاي فينالدا تۇرىك فەيزۋللا اقتۇرىكتى دە ايقىن جەڭدى. اقتۇرىك ريزابەكتى بۇعان دەيىن ەكى رەت جەڭگەن بولاتىن. كەتكەن ەسەنى سەربيا تورىندە قايتاردى.
بۇگىن الەم چەمپيوناتىنىڭ التىن مەدالى ءۇشىن ازەربايجاندىق وسمان نۇرماعامەدوۆكە قارسى كۇرەسكە تۇسەدى. 92 كەلى وليمپيادالىق سالماق سانالمايدى. دەسە دە قازاق ەلىنىڭ بالۋاندارى ەركىن كۇرەستەن ەرەسەكتەر اراسىندا الەم چەمپيوناتىنىڭ التىن مەدالىن العان ەمەس. وسى ولقىلىقتى بۇتىندەۋ ايتمۇحاننىڭ سويىنا امانات. 32 جىلدا ەركىن كۇرەس شەبەرلەرى الەم چەمپيوناتتارىنان 5 كۇمىس, 11 قولا مەدال ولجالادى.
