مادەنيەت جانە اقپارات مينيسترلىگى مەن جاستاردىڭ قوعامدىق بىرلەستىكتەرى مۇرىندىق بولعان ەكولوگيالىق اكتسياعا امانگەلدى اۋىلىنىڭ جاستارى مەن باتىر ەسكەرتكىشىنە جاقىن ورنالاسقان تاستى اۋىلىنىڭ تۇرعىندارى اتسالىستى.
– وسى جولمەن ءارى-بەرى اعىلىپ جاتقان كولىكتەر كەيكى بابامىزدىڭ كەسەنەسىنە بۇرىلماي كەتپەيدى. جولاۋشىلاردىڭ كوبى كەسەنە باسىنا توقتاپ, قۇران وقىپ, دۇعا باعىشتايدى. ونىڭ سىرتىندا, الىستان ارنايى كەلىپ كەتەتىن كىسىلەر بار. بۇگىن, مىنە, اۋدان ورتالىعىنان جيىرما شاقتى بەلسەندى جاس كەلىپ, ولارعا ءبىزدىڭ اۋىلدىڭ تۇرعىندارى قوسىلىپ, كەسەنەنىڭ اۋماعىنداعى ءشوپتى ج ۇلىپ, قوقىستان تازارتتىق. ءىشى-سىرتىنىڭ شاڭىن ءسۇرتىپ, ەدەنىن جۋدىق, – دەيدى تاستى اۋىلدىق وكرۋگىنىڭ اكىمى ەركىن قاپىشەۆ.
اكتسيانى ۇيىمداستىرۋشىلاردىڭ ايتۋىنشا, اۋدان ورتالىعىندا دا ءدال وسىنداي تازالىق ءىس-شارالارى قولعا الىنىپ, امانگەلدى باتىر مەن ساتىبالدى يشان كەسەنەلەرىنىڭ اۋماعى, سونداي-اق امانتوعاي اۋىلى ماڭىنداعى وزەن جاعالاۋىن تازارتۋ جۇمىستارى جۇرگىزىلگەن.
رەسپۋبليكالىق اكتسياسى اياسىنداعى تازالىق جۇمىستارى ءالى دە جالعاسادى. ويتكەنى وڭىردە مىڭنان استام تاريحي-مادەني ەسكەرتكىش بار. ونىڭ ون شاقتىسى جالپىۇلتتىق ماڭىزى بار نىساندار ساناتىنا ەنگەن. وعان جەرگىلىكتى ماڭىزعا يە 28 ەسكەرتكىشتى قوسىڭىز. جاستار رەسۋرستىق ورتالىقتارىنىڭ وكىلدەرى الداعى سەنبىدە قوستاناي اۋدانىنداعى ىبىراي التىنسارين كەسەنەسى مەن باراق باتىر كەسەنەسىنىڭ اينالاسىن تازارتۋدى جوسپارلاپ وتىر.
قوستاناي وبلىسى
