ارتىنشا اسا اۋىر جاعدايدا جاتقان جەتكىنشەك وبلىستىق بالالار اۋرۋحاناسىنا جەتكىزىلىپ, دەنساۋلىق ساقتاۋ مينيسترلىگى استانا قالاسىنان جوعارى بىلىكتى ەكى دارىگەر جىبەرگەن بولاتىن. پوليتسيا وقىس وقيعاعا بايلانىستى قىلمىستىق ءىس قوزعاپ, تەرگەۋ جۇمىستارىن باستاعان. قاۋىپسىزدىك شارالارىن قاداعالاي الماعان ۇزىنكول اۋدانىنىڭ اكىمى قاتاڭ تارتىپتىك جاۋاپقا تارتىلدى. ال اكىمنىڭ ورىنباسارى مەن مەرەكەلىك ءىس-شارانىڭ ۇيىمداستىرىلۋىنا تىكەلەي جاۋاپتى مامان قىزمەتىنەن بوساتىلدى.
وكىنىشكە قاراي, دارىگەرلەر اجالعا اراشا تۇسە المادى, 12 قىركۇيەكتە جەتكىنشەكتىڭ قايتىس بولعانى تۋرالى سۋىق حابار الدىق. پوليتسيا كوبىك شاشۋ كەشىندە كامەلەتكە تولماعان بالانى ەلەكتر توعىنىڭ سوعۋى تۋرالى سوتقا دەيىنگى تەرگەۋدى قايتا قاراپ جاتىر.
وبلىستىق پد ءباسپاسوز قىزمەتىنىڭ مالىمەتى بويىنشا, ۇزىنكولدەگى وقيعاعا قاتىستى تەرگەۋ بۇعان دەيىن قىلمىستىق كودەكستىڭ «قاۋىپسىزدىك تالاپتارىنا ساي كەلمەيتىن تاۋارلاردى شىعارۋ نەمەسە ساتۋ, جۇمىستاردى ورىنداۋ نە قىزمەتتەر كورسەتۋ» قىلمىسىن قاراستىراتىن 306-بابتىڭ 2-بولىمىنە سايكەس جۇرگىزىلىپ كەلسە, ەندى ابايسىزدا ادام ولىمىنە اكەپ سوقتىرعان ءىس-ارەكەت رەتىندە وسى باپتىڭ 3-بولىمىنە اۋىستىرىلعان.
بۇل باپ بويىنشا بالانىڭ ولىمىنە كىنالىلەر ءتورت جىلدان سەگىز جىلعا دەيىن باس بوستاندىعىنان ايىرىلۋى مۇمكىن.
قوستاناي وبلىسى
