ىرىمشىك وندىرۋشىلەر اراسىندا ماڭىزدى سانالاتىن «Mondial du fromage – 2023» بايقاۋىندا بيىل 250 تورەشى الەمنىڭ ءار تۇكپىرىندە ازىرلەنگەن ىرىمشىكتىڭ 1 600 ءتۇرى اراسىنا 150 ىرىمشىكتى ىرىكتەپ الدى. ولاردىڭ اراسىندا ماڭعىستاۋدان بارعان الەكساندرا مەن نيكيتانىڭ «جەتى لاق» فەرماسىنىڭ ءوز وندىرىسىندەگى ەشكى مەن تۇيە سۇتىنەن دايىندالعان ىرىمشىكتىڭ ەكى ءتۇرى بار. «جەتى لاق» فەرماسى بۇل بايقاۋعا قازاقستان بويىنشا ءارى تۇڭعىش قاتىسۋشى, ءارى تۇڭعىش جۇلدەگەر بولدى. نيكيتا مەن الەكساندرا «Mondial du fromage – 2023» بايقاۋىندا كۇمىس جانە قولا جۇلدەگە يە بولىپ, حالىقارالىق ىرىمشىك جاساۋشىلار گيلدياسىنا قابىلداندى.
– قازاقستان تاريحىندا تۇڭعىش رەت ءبىزدىڭ وندىرۋشىلەر الەمدىك ۇزدىك ىرىمشىك جاساۋشىلارمەن كونكۋرسقا قاتىسىپ, وتاندىق ونىمدەردى ۇسىندى. ءبىزدىڭ ماقساتىمىز – ىرىمشىك مادەنيەتى مەن ىرىمشىك جاساۋ شەبەرلىگىن دامىتۋ. ءبىز بايقاۋعا التى ايدان اسا ۋاقىت دايىندالدىق. جوعارى جەتىستىككە جەتكەنىمىزگە وتە قۋانىشتىمىز جانە ماقتان تۇتامىز. ءبىزدى حالىقارالىق ىرىمشىك جاساۋشىلار گيلدياسىنا سالتاناتتى تۇردە قابىلدادى, بۇل – ىرىمشىك الەمىنىڭ ەليتاسى. ءبىز – قازاقستاننىڭ وسى اتاققا يە بولعان العاشقى ىرىمشىك جاساۋشىلارىمىز. ماڭعىستاۋ وبلىسىنىڭ اكىمى نۇرلان نوعاەۆقا جانە ماڭعىستاۋ وبلىسىنىڭ كاسىپكەرلەر پالاتاسىنا جان-جاقتى قولداۋ كورسەتكەنى ءۇشىن ەرەكشە العىس بىلدىرگىمىز كەلەدى, – دەدى ا.گريگولوۆا.
10 گەكتار جەرگە جەمشوپ قويماسى مەن ءسۇت وڭدەۋ تسەحىن سالىپ, ەشكى وسىرۋمەن اينالىساتىن «جەتى لاق» فەرماسى جاڭا شابىتپەن ءوز كاسىبىن جالعاستىرادى.
ماڭعىستاۋ وبلىسى
