مۇنداي العاشقى پويىز بيىلعى 12 ساۋىردە «تاشكەنت – بۇحارا – حيۋا – سامارقاند – كاماشي – كيتاب – تۇركىستان – بىشكەك – الماتى» باعىتى بويىنشا جولعا شىققان-دى. بۇل حالىقارالىق تۋريستىك پويىزدار رەتىندە اتالادى. ولارعا مىنگەن العاشقى جولاۋشىلار گەرمانيا, شۆەتسيا, انگليا, ليۋكسەمبۋرگ, كانادا, يندونەزيا, يرلانديا سياقتى ەلدەردەن كەلگەن تۋريستەر بولدى.
جىلدىڭ سوڭىنا دەيىن 10 وسىنداي پويىز جولعا شىعادى دەپ جوسپارلانىپ وتىر. كەلەسى تۋريستىك چارتەرلىك پويىزدار 2023 جىلدىڭ تامىزى مەن قازانى ارالىعىندا ىسكە قوسىلادى. ايتا كەتۋ كەرەك, ءار ۆاگون باتىس پەن شىعىس ستيلدەرىنىڭ قوسىندىسى نەگىزىندە بەزەندىرىلگەن. ۆاگوننان ۆاگونعا كوشكەندە جيھازدار, ينتەرەر, ىدىس-اياق, ءتىپتى اس ءۇي وزگەرەدى. دەگەنمەن ۆاگونداردى بەزەندىرۋدە وزبەك حالقىنىڭ ۇلتتىق ناقىشتارىنا باسىمدىق بەرىلگەن. ناقتىلاي ايتقاندا, ۆاگون قابىرعالارى شىعىس مينياتيۋرالارى جانە ورنەكتەرىمەن ايشىقتالعان.
ايتا كەتۋ كەرەك, شىعىس ەلدەرىنىڭ ءستيلى ەتنوستىق ديزاين ءۇردىسىنىڭ تۇتاس توبىن سيپاتتايدى. بۇعان ادەتتە ازيا مەن ارابستان, افريكا جانە ماۋريتانيا, سونداي-اق ءۇندىستان ءستيلى كىرەدى. بۇل ستيل ەتنوستىق ويۋ-ورنەكتەرمەن بەزەندىرىلگەن, ايقىن سيممەتريالى تۇراقتى گەومەتريالىق ءپىشىندى جيھازبەن مازمۇندالادى. جۇمساق اشەكەيلەردىڭ بارلىق ءتۇرى شىعىس ستيلىندە ورىندى كورىنەدى. كىلەمدەر, جاستىقتار, توسەك جاپقىشتار, پەردەلەر, كورپەلەر ورنەگى تۋريستەردى بىردەن قىزىقتىرادى.
