فوتو: وقۋ-اعارتۋ مينيسترلىگىنىڭ ءباسپاسوز قىزمەتى
«EJOI حالىقارالىق IOI ينفورماتيكا وليمپياداسىنىڭ ەرەجەلەرى مەن ستاندارتتارىن ۇستانادى. بۇل ماڭىزدى وقيعا, ەۋروپا كەڭەسىنىڭ مۇشە مەملەكەتتەرىندە IT-يندۋستريا ەليتاسىنىڭ دامۋ ساتىسى. ونىڭ قورىتىندىسى بويىنشا قازاقستان قۇراما كومانداسى ءتورت مەدال جەڭىپ الدى. التىن مەدال ماماداحۋنوۆ مانسۇرعا بۇيىردى. ول قىزىلوردا قالاسىنداعى س. شاۋحامانوۆ اتىنداعى №9 دارىندى بالالارعا ارنالعان ء«بىلىم-يننوۆاتسيا» وبلىستىق ليتسەي-ينتەرناتىنىڭ 9-سىنىپ وقۋشىسى. كۇمىس مەدالدى ەكى وقۋشى يەلەندى. ونىڭ ءبىرى سەرىكباي سۇڭعات - تاراز قالاسىنداعى ء«بىلىم-يننوۆاتسيا» دارىندى جاسوسپىرىمدەرگە ارنالعان مامانداندىرىلعان ليتسەي-ينتەرناتىنىڭ 10-سىنىپ وقۋشىسى, ەندى ءبىرى امەنوۆ الەم سەمەي قالاسىنداعى ء«بىلىم-يننوۆاتسيا» دارىندى ۇلدارعا ارنالعان مامانداندىرىلعان ليتسەي-ينتەرناتىنىڭ 9-سىنىپ وقۋشىسى. ال الماتى قالاسىنداعى رەسپۋبليكالىق فيزيكا-ماتەماتيكا مەكتەبىنىڭ 10-سىنىپ وقۋشىسى الدامجاروۆ الىشەر قولا جۇلدەگەر اتاندى», دەلىنگەن اقپاراتتا.
قازاقستان قۇراماسىنا Astana IT ۋنيۆەرسيتەتىنىڭ وقىتۋشىسى تەمىرلان ساتىلعانوۆ پەن حالىقارالىق وليمپيادالاردىڭ جەڭىمپازى ايدوس نۇرماش جەتەكشىلىك ەتتى.
