وسى وقيعاعا وراي جۋىردا وتكەن سالتاناتتى راسىمگە «QazaqGaz» ۇك» اق باسقارما توراعاسى سانجار جاركەشوۆ پەن باتىس قازاقستان وبلىسى اكىمدىگى وكىلدەرى, «ينتەرگاز ورتالىق ازيا» اق ورال جەلىلىك وندىرىستىك باسقارماسى ۇجىمى قاتىستى. قوناقتار مەموريالدىق تاستىڭ اشىلۋىنا قاتىسىپ, ەسەت راۋات ۇلىن ەسكە الدى.
ەسەت راۋات ۇلى – كەڭەستىك رەپرەسسيا جىلدارى قۋعىندالىپ, باشقۇرت جەرىن پانالاپ امان قالعان ءدىن قايراتكەرىنىڭ ۇرپاعى بولاتىن. تەكتىلىك تەگىنەن دارىعان ازامات ءوز ۇلتىنىڭ تاريحىن تەرەڭ بىلەتىن. كسرو كەزىندە مۇناي-گاز سالاسىنىڭ بىلىكتى مامانى اتانعان ول تاۋەلسىزدىك تۇسىندا جاس قازاقستاننىڭ بىرىڭعاي گاز قۇبىرلارى جۇيەسىن قۇرۋعا جانە جاڭا اۋماقتاردى گازداندىرۋعا كوپ قىزمەت ەتتى. سول كەزدەگى قيىندىقتارعا قاراماستان ەسەت راۋات ۇلى ۇلتتىق كومپانيانى باسقارىپ, جاڭا ماگيسترالدار سالىپ, سول ارقىلى تابيعي گازدىڭ ەلدىڭ بارلىق وڭىرىنە جانە ەكسپورتقا تاراۋىنا جول اشتى.
– «قازاقگاز» ۇلتتىق گاز كومپانياسىنىڭ تۇڭعىش پرەزيدەنتى ەسەت راۋات ۇلىن ەسكە الۋ – ءبىزدىڭ بورىشىمىز. ءوز ەلىنىڭ بولاشاعىنا بەيجاي قاراماعان مۇنداي تۇلعا گاز سالاسى قىزمەتكەرلەرىنىڭ جاس بۋىنى ءۇشىن ءاردايىم ۇلگى بولۋى كەرەك. حالقىمىز وسى كۇنگە دەيىن ەسەت راۋات ۇلىن جىلى ەسكە الادى, ال ونىڭ ەسىمى ەلىمىزدىڭ مۇناي-گاز يندۋسترياسىنىڭ تاريحىنا التىن ارىپپەن ماڭگىلىككە جازىلعان, – دەدى سانجار جاركەشوۆ.
ستانسانىڭ اتاۋىن وزگەرتۋ جانە مەموريالدىق تاستى اشۋ يدەياسىن مۇناي-گاز سالاسىنىڭ ارداگەرلەرى كوتەرگەن ەكەن. گاز سالاسىنىڭ قۇرمەتتى ارداگەرى, ەسەت راۋات ۇلىنىڭ ءبىر كەزدەگى ارىپتەسى اناتولى تەگىسباەۆ ەل ءۇشىن ەڭبەك ەتكەن ە.ازەرباەۆتىڭ التى جىل بۇرىن ومىردەن وتسە دە, ەسىمى ۇمىتىلماي, ەلەنىپ جاتقانى ءۇشىن كومپانيا باسشىلىعىنا العىس ايتتى. ء«وز ەلىنىڭ ناعىز پاتريوتى مۇنداي قۇرمەتكە لايىق!» دەدى اقساقال.
«QazaqGaz» ۇك باسشىسى باتىس قازاقستان وبلىسى گاز شارۋاشىلىقتارىنىڭ الداعى كۇزگى-قىسقى كەزەڭگە دايىندىعى تەكسەرىلگەنىن, مامانداردىڭ ايتۋىنشا, ءوڭىر جىلىتۋ ماۋسىمىنا 100% دايىن ەكەنىن حابارلادى.
باتىس قازاقستان وبلىسى
