«قوعامدىق باقىلاۋ تۋرالى» زاڭ ازاماتتاردىڭ قوعامدىق باقىلاۋ ارقىلى مەملەكەت ىستەرىن باسقارۋعا قاتىسۋىن قامتاماسىز ەتۋ ماقساتىندا ازىرلەنگەن. قۇجاتتا قوعامدىق باقىلاۋ نىسانى مەن سۋبەكتىسى تۋرالى ۇعىم بەرىلىپ وتىر. ورتالىق جانە جەرگىلىكتى مەملەكەتتىك ورگاندار, مەملەكەتتىك ورگاندار بولىپ تابىلمايتىن, قىزمەتى قوعامدىق مۇددەلەرگە بايلانىستى مەملەكەتتىك مەكەمەلەر, كۆازيمەملەكەتتىك سەكتور سۋبەكتىلەرى, دەربەس ءبىلىم بەرۋ ۇيىمدارى, ورتالىق جانە جەرگىلىكتى اتقارۋشى ورگانداردىڭ فۋنكتسيالارىن ورىنداۋشىلار قوعامدىق باقىلاۋ وبەكتىلەرى بولىپ تابىلادى. زاڭنامادا قوعامدىق باقىلاۋدى جۇزەگە اسىرۋ قۇقىعى نەمەسە وكىلەتتىگى بەرىلگەن ەل ازاماتتارى, كوممەرتسيالىق ەمەس ۇيىمدار جانە وزگە دە سۋبەكتىلەر قوعامدىق باقىلاۋ سۋبەكتىلەرى بولىپ بەلگىلەنگەن.
سەناتورلار سونىمەن قاتار وسى زاڭعا ىلەسپە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قوعامدىق باقىلاۋ, اكىمشىلىك راسىمدەردى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭدى دا تالقىلادى.
سەناتورلاردىڭ ايتۋىنشا, زاڭداردى قابىلداۋ ەلىمىزدىڭ جالپىۇلتتىق باسىمدىقتارى اياسىندا ورىندالاتىن جوبالاردى ساپالى ىسكە اسىرۋدى, قوعامدىق پىكىردى, وبەكتىلەر قىزمەتىنىڭ اشىقتىعى مەن ايقىندىعىن ەسكەرۋدى قامتاماسىز ەتۋگە كومەكتەسەدى.
تالقىلاۋ قورىتىندىسى بويىنشا كوميتەت مۇشەلەرى زاڭداردى پالاتا وتىرىسىندا قاراۋعا جىبەرۋ تۋرالى شەشىم قابىلدادى.
