سۋرەتتى تۇسىرگەن – ەرلان ومار, «EQ»
قازىر ۋنيۆەرسيتەتتەردە جاتاقحانالاردىڭ جەتىسپەۋى, جوو-نى بىتىرگەن جاس مامانداردى جۇمىسقا ورنالاستىرۋ ماسەلەلەرىنىڭ وزەكتى ەكەنىن ەسكەرۋىمىز قاجەت. جۇمىس ىستەيتىن جاس وتباسىلارعا عىلىم جانە جوعارى ءبىلىم مينيسترلىگىنىڭ تىكەلەي ارالاسۋىمەن مەملەكەتتىك باعدارلاما ارقىلى باسپانا ماسەلەسىن شەشۋ دە ماڭىزدى ماسەلە. سونداي-اق جوعارى وقۋ ورنىن بىتىرگەن ستۋدەنتتەردەن «جۇمىسقا ورنالاستى» دەگەن وتىرىك انىقتاما الدىرتۋدى شەكتەيتىن ۋاقىت جەتتى. وكىنىشكە قاراي, بۇگىندە بۇل ءۇردىس بەلەڭ الىپ تۇر. وسىنداي ولقىلىقتاردى شەشەتىن بولساق, ەلىمىزدە ءبىلىمدى جاستار تۇراقتايتىن ەدى. ويتكەنى بىلىكتى, ءبىلىمدى, ويى ۇشقىر كوپتەگەن جاستىڭ شەتەل اسىپ كەتىپ جاتقانى بارشامىزعا بەلگىلى. وسىنىڭ بارلىعى جاس بۋىنعا جاعداي جاساۋدىڭ سالعىرتتىعىنان تۋىنداپ وتىر.
تاعى ءبىر ايتا كەتەتىن ماسەلە مەملەكەتتىك يدەولوگيانىڭ ناشار جۇمىس ىستەۋىمەن بايلانىستى. ءبىز جاستاردى وتانسۇيگىشتىككە, مەملەكەتكە دەگەن ادالدىققا ۇيرەتۋىمىز قاجەت. ونىڭ بارلىعى بالاباقشادان باستالۋعا ءتيىس.
مەملەكەت باسشىسى قاسىم-جومارت توقاەۆ قازاقستان حالقىنا ارناعان جولداۋىندا جاستار ساياساتىنا قاتىستى بىرقاتار ماسەلەگە توقتالدى. سولاردىڭ ءبىرى جاستاردى دامىتۋ مەن ولاردى قولداۋعا ارنالعان باعدارلاما قاجەت ەكەنىن ايتتى. ەندىگى مىندەت – وسى باعىتتاعى جۇمىستاردى جۇيەلى تۇردە جۇرگىزۋگە بايلانىستى.
تيمۋر اپەنديەۆ,
ش.ءۋاليحانوۆ اتىنداعى
تاريح جانە ەتنولوگيا ينستيتۋتى جاس عالىمدار كەڭەسىنىڭ مۇشەسى, PhD
