فوتو: Inbusiness.kz
بۇل تۋرالى قر ءسىم باسشىسى تۇركيا سىرتقى ىستەر ءمينيسترى حاكان فيدانمەن وتكەن بريفينگتە مالىمدەدى.
«قازاقستاندا جەتەكشى تۇرىك ۋنيۆەرسيتەتتەرىنىڭ فيليالدارىن اشۋ ماسەلەسى قاراستىرىلىپ جاتىر. تۇركيانىڭ جوعارى وقۋ ورىندارىمەن قوس ديپلومدىق باعدارلامالاردى جۇزەگە اسىرۋ بويىنشا ءتيىمدى ىنتىماقتاستىق جۇرگىزىلەدى. سوڭعى ءۇش جىلدا تۇركيادا ءبىلىم الاتىن قازاق ستۋدەنتتەرىنىڭ سانى 2900-دەن 8200-گە دەيىن ءوستى», دەدى مينيستر بريفينگ بارىسىندا.
ايتا كەتەيىك, بۇعان دەيىن تۇركيا سىرتقى ىستەر ءمينيسترى حاكان فيدان قازاقستانعا رەسمي ساپارمەن كەلگەنىن حابارلاعان ەدىك. بۇل ونىڭ قازاقستان رەسپۋبليكاسىنا العاشقى ساپارى بولدى.
