فوتو: 4pda.to
كولەمى 50 شارشى مەتر تۇرعىن ءۇيدى جاپون قۇرىلىسشىلارى 44 ساعات 30 مينۋتتا سالىپ, 37 مىڭ اقش دوللارىنا ساتىپ وتىر. 3D تەحنولوگياسىمەن بوي كوتەرگەن Fujitsubo ۇيدە جاتىن بولمە, اس بولمەسى, ۆاننا, قوناق بولمە بار. جاپونيانىڭ دەنساۋلىق ساقتاۋ ستاندارتىنا ساي سالىنعان ءۇي جاس وتباسىلارعا, جالعىزباستى جاندارعا وتە قولايلى.
«اۆتوكولىك ونەركاسىبىندە 40 جىل بۇرىن يننوۆاتسيالىق پروتسەستەردى روبوتتاردىڭ جۇزەگە اسىرۋى باعا تومەندەتتى. ءبىزدىڭ پايىمداۋىمىزشا, 3D ارقىلى باسپانا سالۋ تۇرعىن ءۇي سالاسىن تولىققاندى روبوتتاندىرۋدىڭ باستاماسى بولادى», دەيدى Serendix كومپانياسىنىڭ وكىلدەرى.
بۇگىنگى تاڭدا كومپانيا تۇرعىن ۇيلەردى ەكى تاۋلىككە جەتەر-جەتپەس ۋاقىتتا سالۋدى بەس پرينتەر ارقىلى جۇزەگە اسىرىپ وتىر. كەلەسى جىلى قوسىمشا 12 پرينتەردىڭ كۇشىمەن جىلىنا 850 ءۇي سالىپ, ساتۋدى ىسكە اسىرماق.
