ءارتۇرلى سالالاردا قازاق ءتىلىنىڭ ۇلەسى ارتىپ كەلە جاتقانى بايقالادى. سونىڭ ءبىرى – تەحنولوگيا سالاسى. ماسەلەن, جاقىندا عانا جاستار اراسىنداعى ەڭ تانىمال TikTok پلاتفورماسىنا قازاق ءتىلى ەنگىزىلگەن بولاتىن. ءارى الەۋمەتتىك جەلى قازاقتىلدى كونتەنتتى قالىپتاستىرۋشىلارعا وتە ۇلكەن مۇمكىندىك بەرىپ وتىر. قازىرگى كەزدە قازاق ءتىلىن دامىتۋعا ارنالاعان بىرنەشە اۋقىمدى جوبا بار. سونداي-اق الەم نازارىن اۋدارتقان ChatGPT-ءدىڭ العاشقى قازاقشا بالاماسى دا پايدا بولعانىن ايتا كەتەيىك.
TikTok ەل ازاماتتارى كوپ قولداناتىن الەۋمەتتىك جەلىنىڭ ءبىرى بولعاندىقتان, بۇعان قازاق ءتىلىنىڭ ەنگىزىلۋى ەلەۋلى جاڭالىق. سونىمەن قاتار بۇرىڭعى اقپارات جانە قوعامدىق دامۋ مينيسترلىگىنىڭ باستاماسىمەن TikTok ترەندتەرىن قازاقشالاندىرۋ ماقساتىندا #ناۋرىز #كىتاپتوك, «مىڭ بالا» جوبالارى جۇزەگە اسىرىلعانىنان حاباردارمىز. سونىمەن قاتار Instagram الەۋمەتتىك جەلىسى ارقىلى قازاق ءتىلىنىڭ شۇبارلانباۋىنا, ناسيحاتتالۋىنا ۇلەس قوسىپ جۇرگەن Qazaqgrammar جوباسى بار. قازىرگى كەزدە بۇل پاراقشانى 66 مىڭ ادام وقيدى.
كەيىنگى كەزدەرى جاساندى ينتەللەكتىنى يگەرۋگە دە باسا ءمان بەرىلىپ كەلەدى. مەملەكەت باسشىسى جولداۋىندا: «جاساندى ينتەللەكتىنىڭ مۇمكىندىكتەرىن تولىق پايدالانساق, ءبىلىم ەكونوميكاسىنا تىڭ سەرپىن بەرەمىز. كەمىندە ءۇش بەلگىلى جوعارى وقۋ ورنى جاساندى ينتەللەكت سالاسىنا قاجەتتى كادر دايارلاۋمەن جانە زەرتتەۋلەر جۇرگىزۋمەن اينالىسۋى كەرەك», دەپ تاپسىرما بەردى. بۇل باعىتتا جەتىستىكتەرىمىز دە بارشىلىق. سونىڭ ءبىرى – Askify.kz. بۇل – الەمگە تانىمال ChatGPT جاساندى ينتەللەكتىسىنىڭ قازاقشا بالاماسى. جوبا اۆتورلارىنىڭ ايتۋىنشا, ChatGPT قازاقشا سۇراققا دۇرىس جاۋاپ بەرە الماعان ءارى جاۋابى تىم تۇسىنىكسىز بولعان. ورىسشانىڭ وزىنە قاتەمەن جاۋاپ بەرەدى. سول ولقىلىقتىڭ ورنىن تولتىرۋ ءۇشىن قازاقشا بالاماسى ازىرلەنگەن.
ChatGPT شىققان كەزدە وعان قاراپايىم جۇرتشىلىق بىلاي تۇرسىن, IT-سالادا جۇرگەن مامانداردىڭ ءوزى ءمان بەرمەگەن ەدى. بىراق از ۋاقىتتىڭ ىشىندە چات-بوت قانداي مۇمكىندىكتەرگە يە ەكەنىن كورسەتىپ ۇلگەردى.
– وسىنداي يگىلىكتى قازاقتار نەگە قولدانبايدى دەگەن وي كەلدى. قازىرگى نۇسقانى جاساۋعا وسى جىل باسىنان بەرى ەكى جارىم ايداي ۋاقىت جۇمسادىق. ChatGPT-ءدىڭ «انا ءتىلى» – اعىلشىن ءتىلى. ول اعىلشىن تىلىندە وتە كەرەمەت جاۋاپ بەرەدى. سەبەبى ءبىلىم مەن اقپارات ءدال وسى تىلدە كەڭ تارالعان. قىتاي, جاپون, حيندي سەكىلدى تىلدەردە دە تولىمدى جاۋاپ بەرۋگە تىرىسادى. ال قازاق ءتىلى سەكىلدى اقپاراتى از, قولدانىسى تار تىلدەردە قاتەمەن نەمەسە تۇسىنىكسىز ء«تىل قاتادى». Askify.kz-كە انا تىلىمىزدە دە, سونداي-اق اعىلشىن جانە ورىس تىلدەرىندە دە بارىنشا ساۋاتتى جاۋاپ ۇسىنادى. سhatGPT-تەن ايىرماشىلىعى – مۇندا تولىققاندى چات سيپاتىندا سويلەسە الاسىز, – دەيدى جوبا اۆتورلارى.
ازىرگە تەحنولوگيا جەتىستىكتەرى قازاق تىلىنە اۋدارىلىپ قانا كەلەدى. بولاشاقتا تەحنولوگيانىڭ انا ءتىلى – قازاق ءتىلى بولادى دەپ سەنەمىز. قازىرگى جاستاردىڭ ءىت-سالاداعى اياقالىسىنا قاراپ وسىنداي وي تۇيۋگە بولادى.
