فوتو: kazgazeta.kz
سەناتور ساۋالىندا مەديتسينا ماماندىقتارىنا وقۋعا بولىنەتىن مەملەكەتتىك تاپسىرىستىڭ مولشەرى مەملەكەتتىك مەديتسينا جوعارى وقۋ ورىندارىنىڭ وقۋ پروتسەسىن ۇيىمداستىرۋعا جۇمساعان شىعىندارىنا سايكەس كەلمەيتىنىن ايتتى. قارجىلاندىرۋدىڭ جەتكىلىكسىزدىگى وقۋ ساپاسىنا ايتارلىقتاي اسەر ەتىپ, بولاشاق دارىگەرلەر ءۇشىن قيىندىقتار تۋدىرۋى مۇمكىن ەكەندىگىنە الاڭداۋشىلىق ءبىلدىردى.
«قاراجات كولەمى سوڭعى 10 جىلدىقتا قايتا قارالماي, 4-ءشى جانە ودان جوعارى كۋرس ستۋدەنتتەرى ءۇشىن مەملەكەتتىك گرانتتاردىڭ باعاسى بۇگىندە 609 مىڭ تەڭگەنى قۇراپ وتىر. ال 2021 جىلى قايتا قارالعان, ەرەكشە مارتەبەسى بار جوعارى ءبىلىم بەرۋ ۇيىمدارى ءۇشىن 1 ملن 188 مىڭ تەڭگە, باسقا جوعارى ءبىلىم بەرۋ ۇيىمدارى ءۇشىن 1 ملن 1 مىڭ تەڭگە بولىپ بەكىتىلگەن باعا, تەك قانا 2021 جىلدان باستاپ وقۋعا تۇسكەن ستۋدەنتتەرگە عانا ءتيىستى. بۇگىنگى تاڭدا, زاماناۋي مەديتسينا تالاپتارىنا ساي مامان دايىنداۋدىڭ وزىندىك قۇنى - ءبىر ءبىلىم الۋشىعا شامامەن 2 ملن تەڭگەگە جۋىق», دەدى اقمارال ءالنازاروۆا.
قوردالانعان ماسەلەنى كوتەرگەن سەناتور ءبىلىم بەرۋ گرانتىنىڭ جەتكىلىكسىز قۇنى مەديتسينا ۋنيۆەرسيتەتتەرىنىڭ وقىتۋشىلارى ءۇشىن جالاقىنىڭ ءتيىستى دەڭگەيىن قامتاماسىز ەتۋگە مۇمكىندىك بەرمەيتىنىن ايتتى.
مەديتسينا قىزمەتكەرلەرىنىڭ جالاقىسى وقۋ ورىندارى وقىتۋشىلارىنىڭ جالاقىسىنان جوعارى. بۇل بىلىكتى وقىتۋشىلاردىڭ پراكتيكالىق مەديتسيناعا كەتۋىنە اكەلۋى مۇمكىن. وسىعان بايلانىستى دەپۋتات باكالاۆريات, ينتەرناتۋرا, ماگيستراتۋرا, رەزيدەنتۋرا جانە دوكتورانتۋرانىڭ مەديتسينا ماماندىقتارىن وقىتۋ ءۇشىن مەملەكەتتىك تاپسىرىس بويىنشا رەسپۋبليكالىق بيۋدجەتتەن بولىنەتىن گرانتتاردىڭ مولشەرىن ارتتىرۋ قاجەتتىگىن جەتكىزدى.
