«جولداۋدا العا قويىلعان تەرەڭ جانە جان-جاقتى الەۋمەتتىك-ەكونوميكالىق قايتا قۇرۋلار بەرىك ساياسي نەگىزگە جانە تولىق ساياسي قولداۋعا يە. مۇنداعى باستى وي – ابستراكتىلى جەتىستىكتەرگە ەمەس, ازاماتتاردىڭ ءومىرىن ناقتى جاقسارتۋعا نەگىزدەلگەن جاڭا ەكونوميكالىق مودەلگە كەزەڭ-كەزەڭمەن كوشۋ ەكەنىن اتاپ كورسەتتى. ياعني مەملەكەت باسشىسى جولداۋدا ەلىمىزدەگى ەكونوميكالىق ساياساتتىڭ جاڭا مودەلىن قالىپتاستىرۋعا باسىمدىق بەردى. سونىمەن بىرگە ءار ازامات پەن ونىڭ جەكە ەكونوميكالىق مۇددەلەرىنە قانداي دا ءبىر دارەجەدە اسەر ەتەتىندەي اۋقىمداعى ەكونوميكالىق دامۋ مىندەتتەرى قامتىلدى. ەكونوميكانىڭ ءوزى قۋاتتى ەتنوالەۋمەتتىك ينتەگراتورعا اينالۋدا. وسىعان بايلانىستى جولداۋ قازاقستان حالقى اسسامبلەياسىنىڭ الدىنا بىرقاتار تەرەڭ سەمانتيكالىق يدەولوگيالىق مىندەتتەر قويادى, ونىڭ شەڭبەرىندە مەملەكەت باسشىسىنىڭ جولداۋى, قازاقستان حالقى اسسامبلەياسىنىڭ, ۇلتتىق قۇرىلتايدىڭ XXXII سەسسياسىنىڭ مىندەتتەرى ۇشتىگى «ادىلەتتى قازاقستان – ادال ازامات» قاعيداتىن ىسكە اسىرۋ جونىندەگى ءىس-قيمىلداردىڭ بىرىڭعاي الگوريتمىنە بىرىكتىرىلۋگە ءتيىس. اسسامبلەيانىڭ يدەولوگيالىق جۇمىسىندا قوعامنىڭ ءوزىن, قوعامدىق قۇندىلىقتار جۇيەسىن جانە تۇتاستاي العاندا قوعامدىق سانانى رەفورمالاۋ مىندەتتەرى العا قويىلادى», دەدى ول.
كەڭەيتىلگەن رەسپۋبليكالىق وتىرىسقا قازاقستان حالقى اسسامبلەياسىنىڭ جانە ونىڭ كەڭەسىنىڭ مۇشەلەرى, رەسپۋبليكالىق جانە وڭىرلىك ەتنومادەني بىرلەستىكتەردىڭ باسشىلارى, پارلامەنت سەناتىنىڭ دەپۋتاتتارى جانە پارلامەنتتىڭ پالاتاارالىق دەپۋتاتتىق توبىنىڭ مۇشەلەرى, مادەنيەت جانە اقپارات مينيسترلىگى, «قوعامدىق كەلىسىم» رمم, قحا قوعامدىق قۇرىلىمدارى, «اسسامبلەيا جاستارى», انالار كەڭەسى, اقساقالدار كەڭەسى, قحا كاسىپكەرلەر قاۋىمداستىعى, قحا عىلىمي-ساراپتامالىق كەڭەسى مەن كافەدرالارى, قحا جۋرناليستەر كلۋبى, باق وكىلدەرى قاتىستى. سونداي-اق كونفەرەنتسياعا zoom-مەن رەسپۋبليكانىڭ تۇكپىر-تۇكپىرىندەگى وڭىرلىك قازاقستان حالقى اسسامبلەيالارى جانە ولاردىڭ قۇرىلىمدارى قوسىلدى.
جولداۋ – ەلدەگى ساياسي ماۋسىمنىڭ باستاۋى عانا ەمەس, مەملەكەت دامۋىنىڭ جاڭا باعىت-باعدارىن ايقىندايتىن ەلەۋلى وقيعا. سوندىقتان جيىندا اسسامبلەيا مۇشەلەرىنىڭ الدىنا اقپاراتتىق-ءتۇسىندىرۋ جۇمىستارى جانە ەتنومادەني بىرلەستىكتەردىڭ «ارازدىق تىلىنە», فەيكتەر مەن ارانداتۋشىلىقتارعا قارسى اقپاراتتىق جانە قوعامدىق ۇستانىمدارىن بەلگىلەۋ سىندى مىندەتتەر قويىلدى. سونداي-اق اسسامبلەيانىڭ XXXII سەسسياسىندا بەرىلگەن تاپسىرمالاردى ورىنداۋ تاسىلدەرىن قايتا قاراۋ جانە تۇزەتۋ, ء«بىر ەل – ءبىر مۇددە» دەپۋتاتتىق بىرلەستىگىمەن جۇمىستىڭ جاڭا ينستيتۋتسيونالدىق باعىتتارىن قۇرۋ, بەيبىتشىلىك پەن بىرلىك ماسەلەلەرى بويىنشا ساياسي پارتيالارمەن ءوزارا ءىس-قيمىل جانە ديالوگ قۇرۋ قاجەت ەكەنى تىلگە تيەك ەتىلدى.
وسى ورايدا قازاقستان حالقى اسسامبلەياسى كەڭەسىنىڭ مۇشەسى, «ۆايناح» چەشەن جانە ينگۋش حالىقتارى مادەنيەتىن دامىتۋ قاۋىمداستىعىنىڭ» توراعاسى احمەد مۋرادوۆ جاڭا قوعامدىق ەتيكانى قالىپتاستىرۋ, ازاماتتىق جاۋاپكەرشىلىك پەن پاتريوتيزم قۇندىلىقتارى ماسەلەلەرىنە ايرىقشا توقتالدى. ال پارلامەنت سەناتىنىڭ دەپۋتاتى نۇريا نيازوۆا «كرەاتيۆتى ەكونوميكا ەلىمىزدىڭ, ءوڭىردىڭ جارقىن جارناماسىنا, «ۆيزيت كارتوچكاسىنا» اينالاتىن اۋقىمدى ءىس-شارالاردى قۇرا وتىرىپ, تالانتتى, شىعارماشىل ادامداردى تارتاتىن ءىرى قالالاردى دامىتۋدىڭ قوزعاۋشى كۇشىنە اينالادى. وسىلايشا, قازاقستان ەكونوميكاسىنىڭ ينكليۋزيۆتى ءوسۋى حالىقتىڭ ءومىر ءسۇرۋ ساپاسىن جاقسارتۋعا جانە ەلدەگى قارجى نارىعىنىڭ دامۋىنا ىقپال ەتۋگە مۇمكىندىك بەرەدى», دەگەن پىكىرىن ورتاعا سالدى.
دەمەك, جاريالانعان باستامالار اۋقىمدى, كەشەندى ءارى سان سالالى. سەبەبى ولاردىڭ قاتارىندا ورتا جانە شاعىن كاسىپكەرلىكتى قولداۋ ءارى قورعاۋ, ەلگە ينۆەستيتسيا تارتۋ, اگروونەركاسىپتى دامىتۋ, بارىنە بىردەي تۇسىنىكتى, اشىق, ادىلەتتى سالىق ساياساتىن جۇرگىزۋ جانە ت.ب. ماڭىزدى باستامالار كوپ. دەپۋتات ءسوزىن جالعاعان «قازاقستان حالقى اسسامبلەياسى كاسىپكەرلەر قاۋىمداستىعىنىڭ» پرەزيدەنتى قايرات ايتباي جولداۋداعى تەزيستەر ساياسي جۇيەنى جاڭعىرتۋ جانە قوعامدىق سانانى وزگەرتۋمەن قاتار, ەل ازاماتتارىن جانە ءاربىر كاسىپكەردى وسى ءىس-شارالاردى ورىنداۋدا بەلسەنە كىرىسۋگە شاقىرعانىن ەسكە سالدى.
كەڭەس سوڭىندا جيىنعا قاتىسۋشىلار جولداۋدىڭ مىندەتتەرىن ءتۇسىندىرۋ بويىنشا ادىستەمەلىك ۇسىنىمدار ازىرلەۋ تۋرالى شەشىمدەر قابىلدادى. بۇعان قوسا اسسامبلەيا قىزمەتىنىڭ جانە ونىڭ قۇرىلىمدارىنىڭ نەگىزگى باعىتتارىن بەلگىلەدى. جالپى, رەسپۋبليكالىق جوبالاردى ىسكە اسىرۋ ماسەلەلەرى دە قارالدى.
