فوتو: تۇركىستان وبلىسى اكىمدىگى
ول قارشادايىنان سۋرەت سالۋعا قىزىعىپ, كەيىننەن ديزاينەر بولۋدى ارمانداعان. ءابدىجاپپار مۇزافار ۇلى شىمكەنت قالاسىندا №5 كوللەدجدە تىگىنشى ماماندىعى بويىنشا ءبىلىم العان.
«نارەستە ۋاقىتىندا سىرقاتتانىپ, ەرەكشە بالالاردىڭ قاتارىنا قوسىلدى. سوندا دا ءوز قىزىعۋشىلىعىنىڭ ارقاسىندا بۇگىندە قولونەر شەبەرى اتانىپ وتىر. كاسىبىن كيىم تىگىپ باستادى. كەيىن كورپەشەلەرگە ارنالعان قۇراق قۇراپ, ءتۇرلى پلاستيك بوتەلكەلەردەن كوركەم گۇلدەر ىستەپ, بالاباقشالارعا تاراتتى», دەيدى اناسى جۇلدىز ادەەۆا.
ارعى اتالارى سۋرەتشى بولعان ەكەن. اناسىنىڭ پايىمىنشا بالاسىنا قاسيەت سول اتالارىنان دارىعان.
تۇركىستان وبلىسى اكىمىنىڭ ءباسپاسوز قىزمەتىنىڭ حابارلاۋىنشا ءا.ماحمۇتبەكوۆ مەملەكەتتەن قايتارىمسىز گرانت الىپ, تىگىن ماشيناسىن ساتىپ العان. ول الداعى ۋاقىتتا كاسىبىن كەڭەيتىپ, اۋىل جاستارىن قولونەر سالاسىنا تاربيەلەۋدى جوسپارلاپ وتىر. «اۋىل اماناتى» جوباسىنىڭ التىنشى باعىتى بويىنشا 2,5 پايىزبەن نەسيە الۋعا نيەتتى. جەرگىلىكتى اتقارۋشى ورگان وكىلدەرى قاجەتتى قولداۋ جۇمىستارىن جۇرگىزىپ جاتىر.
