سۋرەتتى تۇسىرگەن – ەرلان ومار, «EQ»
قوعام تۇراقتىلىعىنىڭ باستى فاكتورلارىنىڭ ءبىرى – دىنارالىق جانە ەتنوسارالىق تاتۋلىقتى دامىتۋ. بۇل ءوز كەزەگىندە ۇلتتىق قاۋىپسىزدىكتىڭ نەگىزگى بولىگى. قوعامنىڭ دامۋى – كەز كەلگەن ازاماتىنىڭ كوزقاراستارى مەن نانىمدارىنا توزىمدىلىكپەن جانە قۇرمەتپەن قاراۋعا نەگىزدەلگەن. وسىلايشا, قازاق ەلى ۇلتارالىق جانە دىنارالىق تاتۋلىقتىڭ وزىندىك قايتالانباس ۇلگىسىن قالىپتاستىرعان. ەلىمىزدە ءۇش جىل سايىن ءوتىپ كەلە جاتقان دىندەر سەزى وسىعان دالەل. بۇل جيىن بەيبىتشىلىكتى, كەلىسىم مەن توزىمدىلىكتى ادامزات ءومىرىنىڭ اينىماس قاعيداتتارى دەپ ساناۋعا, دىندەر, كونفەسسيالار, ۇلتتار مەن ەتنوستار اراسىندا ءوزارا قۇرمەت پەن توزىمدىلىككە قول جەتكىزۋگە, ادامداردىڭ ءدىني سەزىمدەرىن قاقتىعىستار مەن اسكەري ارەكەتتەردى ءورشىتۋ ماقساتىندا پايدالانۋعا جول بەرمەۋگە شاقىرادى.
دىنارالىق جانە كونفەسسياارالىق سۇحبات داستۇرلەرىن دىنارالىق سەزد تۇرىندە نىعايتۋ, دىندەر مەن مادەنيەتتەر, وركەنيەتتەر اراسىنداعى ديالوگتى ىلگەرىلەتۋگە باعىتتالعان جەتىنشى فورۋمنىڭ وتكەنىنە دە جىل تولدى. وعان يسلام, حريستيان, يۋدايزم, بۋدديزم, سينتويزم, داوسيزم جانە باسقا دا ءداستۇرلى دىندەردىڭ باسشىلارى مەن كورنەكتى وكىلدەرى قاتىستى. سەزدىڭ ديالوگ الاڭدارىندا ءدىني قاۋىمداستىقتاردىڭ رۋحاني جاقىنداسۋى بويىنشا مازمۇندى جانە كەلەلى اڭگىمە ءوربىپ, ناتيجەسىندە بىرلەسكەن دەكلاراتسيالار مەن ۇندەۋلەر قابىلداندى.
سەزد اياسىندا «قازىرگى الەمدەگى رۋحاني جانە مورالدىق قۇندىلىقتاردى نىعايتۋداعى دىندەردىڭ ءرولى», ء«بىلىم مەن ءدىني اعارتۋدىڭ دىندەر مەن مادەنيەتتەردىڭ سىيلاستىقتا قاتار ءومىر ءسۇرۋ جانە بەيبىتشىلىك پەن كەلىسىمدى نىعايتۋداعى ءرولى», ء«دىني كوشباسشىلار مەن مەملەكەت قايراتكەرلەرىنىڭ جاھاندىق دىنارالىق ديالوگ پەن بەيبىتشىلىكتى ىلگەرىلەتۋگە, ەكسترەميزمگە, راديكاليزمگە جانە تەرروريزمگە قارسى ءىس-قيمىلعا قوسقان ۇلەسى», «ايەلدىڭ قازىرگى قوعامنىڭ ءال-اۋقاتى مەن تۇراقتى دامۋىنا قوسقان ۇلەسى جانە ايەلدەردىڭ الەۋمەتتىك مارتەبەسىن قولداۋداعى ءدىني قوعامداستىقتاردىڭ ءرولى» اتتى وزەكتى تاقىرىپتار كوتەرىلىپ, ۇتىمدى ۇسىنىستار ورتاعا تاستالعانىنا كوزىقاراقتى وقىرمان كۋا.
بۇل ۇسىنىستار مەن باستامالار الەمدى الاڭداتىپ وتىرعان ماسەلەلەردىڭ شەشىمىن تابۋعا ءوز سەپتىگىن تيگىزبەك جانە الەمدىك جانە ءداستۇرلى دىندەر كوشباسشىلارىنىڭ بەيبىتشىلىكتى ساقتاۋ جايلى تۇجىرىمدارى جاھان تۇراقتىلىعىنىڭ ساقتالۋىنا ءوز ۇلەسىن قوسادى دەپ سەنەمىز. وسىنداي ماڭىزى جوعارى ءىس-شارانى وتكىزۋ ەلىمىز ءۇشىن ۇلكەن جاۋاپكەرشىلىك جانە مارتەبە. ەلىمىز دىنارالىق تاتۋلىقتىڭ وتاندىق ۇلگىسىن حالىقارالىق ساحنادا مويىنداتتى.
ماقسات رامانقۇلوۆ,
باتىس قازاقستان وبلىسى
ءدىن ىستەرى باسقارماسىنىڭ باسشىسى
