قۇرىلىسقا جاۋاپتى ءارى مەشىت سالۋشى ماحات تورەالى باس مۇفتيگە جاڭا نىساننىڭ جوباسى جايلى باياندادى. كەيىن ءدىني باسقارما توراعاسى ارنايى كاپسۋلانى مەشىتتىڭ ىرگەتاسىنا قالادى.
«قوسشى – قالا مارتەبەسىن العالى مۇندا حالىق سانى كوبەيدى. بوگەنباي باتىر اتىنداعى مەشىت 2001 جىلى سالىنعان. بىرنەشە جىلدان بەرى جەرگىلىكتى جاماعات جاڭا مەشىت سالۋ تۋرالى ۇسىنىستارىن ايتىپ كەلەدى. بۇگىن كوپتەن بەرى كوكەيدە جۇرگەن, ءبىر جاعى جاماعاتتىڭ سۇرانىسىن ەسكەرە كەلە مەشىت قۇرىلىسى باستالدى. وسى قۇتحانانىڭ قۇرىلىسىن قولعا العان ءدىنىمىزدىڭ جاناشىر ازاماتتارىنا, اللا ءۇيىنىڭ بويكوتەرۋىنە تىلەۋلەستىك بىلدىرگەن جاماعاتقا تاعى دا اللا رازى بولسىن دەگىم كەلەدى», دەدى باس ءمۇفتي.
قۇرىلىسى ەندى باستالعان قۇلشىلىق ءۇيى كەلەر جىلى تامىزدا قولدانىسقا بەرىلمەك. مەشىتتىڭ جالپى سىيىمدىلىعى - 500 ادام. ودان بولەك جانىنان مەدرەسە بوي كوتەرەدى.
