«مەملەكەت باسشىسىنىڭ جارلىعىمەن اسحات بەرلەش ۇلى شاحاروۆ اقتوبە وبلىسىنىڭ اكىمى لاۋازىمىنا تاعايىندالدى», دەلىنگەن اقوردانىڭ رەسمي حابارلاماسىندا.
اسحات شاحاروۆ 42 جاستا, جوعارى ءبىلىمى بار.
1999 جىلى قازاق مەملەكەتتىك تۋريزم جانە سپورت اكادەمياسىن دەنە شىنىقتىرۋ ءپانىنىڭ وقىتۋشىسى - سپورت بويىنشا جاتتىقتىرۋشى, 2002 جىلى ت.رىسقۇلوۆ اتىنداعى قازاق ەكونوميكالىق ۋنيۆەرسيتەتىن حالىقارالىق ەكونوميست ماماندىعى بويىنشا بىتىرگەن.
2013 جىلى رف پرەزيدەنتى جانىنداعى رەسەي مەملەكەتتىك قىزمەت جانە حالىق شارۋاشىلىعى اكادەمياسىن بىتىرگەن.
ەكونوميكا عىلىمدارىنىڭ كانديداتى.
سامبودان ءۇش مارتە الەم چەمپيونى, ەكى دۇركىن الەم كۋبوگىنىڭ يەگەرى, دزيۋدودان دۇنيەجۇزىلىك بىرىنشىلىكتىڭ قولا جۇلدەگەرى, قر ەڭبەك سىڭىرگەن سپورت شەبەرى.
اتاقتى سپورتشى ەڭبەك جولىن 2000 جىلى ق.جۇبانوۆ اتىنداعى اقتوبە مەملەكەتتىك ۋنيۆەرسيتەتىندە سپورت پاندەرى كافەدراسىنىڭ اعا وقىتۋشىسى بولىپ باستادى.
2005 جىلدىڭ قاراشا ايىنان اقتوبە پەداگوگيكالىق ينستيتۋتى دەنە تاربيەسى كافەدراسىنىڭ دوتسەنتى.
2007 جىلدىڭ ءساۋىر ايىنان اقتوبە وبلىستىق وليمپياداشىلار رەزەرۆىن دايىنداۋ ورتالىعىنىڭ ديرەكتورى.
2013 جىلدىڭ ماۋسىم ايىنان بەرى بقو قاراتوبە اۋدانىنىڭ اكىمى قىزمەتىن, 2017 جىلدىڭ شىلدە ايىنان كۇنى بۇگىنگە دەيىن بقو زەلەنوۆ اۋدانىنىڭ اكىمى بولدى.
