قورعانىس ونەركاسىبىن نىعايتۋ مۇمكىندىگى

ء«بىزدىڭ ارميا جوعارى تەحنو­لوگيالى قارۋ-جاراقپەن جانە اسكە­ري تەحنيكامەن, سونىڭ ىشىندە بروندى تەحنيكامەن, ۇشقىشسىز ۇشاتىن اپپاراتتارمەن, زاماناۋي اتىس قارۋ­لارىمەن قامتاماسىز ەتىلۋگە ءتيىس», دەدى پرەزيدەنت. تەح­نيكانى جوندەۋ باعىتىن دامىتۋدى دا تاپسىردى.

نەگىزى قورعانىس ونەركاسىبى كەشەنى – اۋقىمدى سالا. كوپ ەلدە قور­عانىس جانە ازاماتتىق ماقساتتا ءونىم شىعاراتىن كومپانيالار ەلدىڭ يندۋستريالانۋىنا اسەر ەتەدى. تەك جۇمىستى جۇيەلى ۇيىمداستىرۋ كەرەك. مەنىڭ بىلۋىمشە ەلىمىزدە اسكەري جانە ازاماتتىق سالاعا قاجەت ءونىم شىعاراتىن 40-تان اسا كاسىپورىن بار. ولاردىڭ 31-ءى تىكەلەي قورعانىس سالاسىنا كەرەك دۇنيەلەردى جاسايدى. جۋىردا تاعى دا بىرنەشە كاسىپورىن قۇرىلۋى مۇمكىن. ماسەلەن, اسكەريلەر سىناقتان وتكىزىپ جاتقان «AnkaS» درونىن قۇراستىراتىن ونەركاسىپ اشىلۋعا ءتيىس. درونداردى ارميا كەلەسى جىلدىڭ كوكتەمىنە دەيىن سىنايدى. زاۋىت سودان سوڭ سالىناتىن شىعار.

پەتروپاۆلدا يزرايلدىكتەردىڭ تەحنولوگياسى بويىنشا «تارلان» دەيتىن دۇركىندەتىپ اتاتىن قون­دىر­عى جاسالىپ جاتىر. «قا­زاق­ستان ينجي­نيرينگتىڭ» وزىمە ۇناي­تىن ءبىراز كاسىپورىنى بار. ماسە­لەن, «Kazakhstan Aselsan Engineering» دروندارعا قارسى قولداناتىن «ان­تيدرون» راديوەلەك­تروندى كۇرەس تەحنيكاسىن قۇراستىرادى. ءبىز­دىڭ «زەنيت» ورال زاۋىتى» مەن تۇر­كيانىڭ «Asfat» كومپانياسى اس­كەري كەمەلەردى بىرلەسە جا­ساۋعا كە­­لىسكەن. فرانتسۋزدارمەن بىر­لە­سىپ رادار قۇراستىرىپ ءجۇرمىز. قى­تايلارمەن دە بايلانىس ورناتۋدامىز. اسكەري تەحنيكالاردى جەتىلدىرۋدە تەرىسكەيگە عانا قاراپ وتىرعان جوقپىز. قىس­قاسى, بۇگىنگە دەيىن قورعانىس ونەر­كاسىبىندە ازدى-كوپتى تابىسىمىز بار. ەندى سول تابىستى ۇل­عايتۋ قاجەت. پرەزيدەنت تاپسىردى, ۇكى­مەت ورىنداۋعا ءتيىس.

نەگىزى قورعانىس ونەركاسىبى كە­شە­نىنە قاتىستى ءتۇرلى ۇسىنىس ايتۋعا بولادى. ءوز باسىم ۇكىمەت ەڭ الدىمەن بروندى تەحنيكا جا­ساۋعا نيەتتەنگەن كاسىپورىندارعا «STANAG 4568» ستاندارتتارىنا ساي بولۋ تالابىن قويعانى ءجون دەگەن پىكىردەمىن. «بروندى كولىك جاسادىڭ با, «STANAG 4568» ستاندار­تىنا ساي ەكەنىن دالەلدەيتىن سەرتيفيكات ۇسىناتىن ورتالىقتاردا سىناقتان وتكىزۋگە مىندەتتىسىڭ, سودان سوڭ ءبىزدىڭ اسكەريلەر سىنايدى», دەيتىن تالاپ بولسا دەگەن تىلەك بار. بۇل – حا­لىق­ارالىق ستاندارت. ناتو-نىڭ ستاندارتى. ونەركاسىپتى لوكاليزاتسيالاۋ كەزىندە ناقتى تالاپ تا قويىلعانى ءجون. قۇراستىرۋ جۇمىستارىنان باستاپ, ەكىنشى, ءۇشىنشى دەڭگەيلى لوكاليزاتسيا تالابى ورىندالسا, پرەزيدەنت بەرگەن تاپسىرما ءوز ناتيجەسىن بەرەدى.

قىسقاسى, قورعانىس ونەركاسىبى كە­شەنىن دامىتۋ ۇكىمەت مىندەتتەرىنىڭ بىرىنە اينالايىن دەپ تۇر. بۇيىرتسا, بۇل سالاداعى جەتىستىكتەر مەن اتقا­رىلىپ جاتقان ىستەردى ۇدايى باقىلاپ وتىرامىز.

امانگەلدى قۇرمەت ۇلى,

«ايقىن» گازەتىنىڭ

باس رەداكتورى