فوتو: Facebook/قۋات بوراش
تابىلعان قولجازبا تۇركى تىلىندەگى مۇسىلمان تەولوگياسى بويىنشا جازىلعان.
«قولجازبا جەتى تاراۋدان تۇرادى. ءاربىر ءبولىم يسلامنىڭ قاسيەتتى كەيىپكەرلەرىنە قاتىستى ءبىر نەمەسە بىرنەشە حيكايالارمەن تولىقتىرىلعان. بۇل ەڭبەك XV ع. سوڭىندا وزبەك-قازاق سۇلتانى قاسىم جاھانگيرگە (قاسىم حان) ۇيلەنگەن تيمۋريدتەردىڭ بيلەۋشىسى سۇلتان حۋسەين مىرزانىڭ قىزى ايشا سۇلتان حانىم-بەگىمگە ارنالعان. قولجازبا – ايشا سۇلتان حانىم-بەگىمنىڭ جەكە كىتاپحاناسىندا ساقتالعان. كىتاپ شايبانيدتەر ماۋەرەنناحرعا كەلگەننەن كەيىن ورتا ازيادان قاشقان تيمۋريدتەر ارقىلى ۇندىستانعا جەتكەن. قولجازبانى XIX عاسىردا فرانتسيانىڭ ۇلتتىق كىتاپحاناسى ساتىپ العان. قاسىم سۇلتان مەن حۋسەين بايقارا اراسىنداعى ديپلوماتيالىق قارىم-قاتىناس بەلگىسى جانە قاسىم سۇلتان مەن ايشا بەگىمنىڭ (حۋسەين بايقارانىڭ قىزى) ۇيلەنۋىنىڭ بولجامدى كۇنىن حوندەميردىڭ "حابيبۋ سيار" كىتابىنان بايقاۋعا بولادى», دەپ جازدى ارحيۆ, قۇجاتتاما جانە كىتاپ ءىسى كوميتەتىنىڭ توراعاسى قۋات بوراش ءوزىنىڭ Facebook پاراقشاسىندا.
قۋات بوراشتىڭ جازۋىنشا, كىتاپتى تۇپتەۋ جۇمىستارى 2 اپتاعا سوزىلعان. كوشىرمەنىڭ جەكەلەگەن بەتتەرى بىرىكتىرىلىپ, ءبۇتىن بلوكپەن ماقتا ءجىبىن قولدانۋ ارقىلى تىگىلدى. مۇقاباسىنا ارنايى باتيست ماتاسى قاپتالىپ, كارتون قاعازى مەن قانىق جاسىل ءتۇستى تابيعي بىلعارى قولدانىلدى.
ايتا كەتسەك, بۇل قولجازبانىڭ تۇپنۇسقاسى پاريج ۇلتتىق كىتاپحاناسىندا ساقتاۋلى تۇر. قولجازبا شامامەن 1501-1515 جىلدارى جازىلعان.
