قالامگەردىڭ ءومىرى مەن شىعارماشىلىعىنا ارنالعان بايقاۋ ەرەجەسىنە سايكەس ستۋدەنتتەر, ماگيسترانتتار, PhD-دوكتورانتتار, جاس عالىمدار قۇقىقتىق, ەتيكالىق تاقىرىپتارداعى جۋرناليستىك زەرتتەۋلەردى, دەتەكتيۆ جانرىنا ارنالعان عىلىمي مەن شىعارماشىلىق جۇمىستارىن جولداي الادى. بايقاۋ جۇمىستارى بيىل 29 قىركۇيەككە دەيىن قابىلداناتىن بولادى.
بايقاۋ تومەندەگى نوميناتسيالار بويىنشا وتەدى:
- دەتەكتيۆ جانرىنداعى جۋرناليستىك زەرتتەۋ;
- جازۋشىنىڭ ادەبي مۇراسىنا ارنالعان عىلىمي-زەرتتەۋ جۇمىسى;
- قۇقىقتىق/ەتيكالىق تاقىرىپتا جاريالانعان رەپورتاج.
بايقاۋ ۇيىمداستىرۋشىلارىنىڭ تالابى بويىنشا, جۋرناليستيكانىڭ ەتيكالىق نورمالارى مەن اۆتورلىق قۇقىقتارىن بۇزاتىن تۋىندىلار جىبەرىلمەيدى. بايقاۋ تالاپتارىنا ساي قابىلدانعان جۇمىستار رەتسەنزيالانبايدى جانە اۆتورعا قايتارىلمايدى.
بايقاۋعا قاتىسۋشىنىڭ جاسى 29-دان اسپاۋى ءتيىس. بايقاۋعا ەش جەردە جاريالانباعان جۇمىستار قابىلدانادى. ءبىر اۆتوردان ءبىر نوميناتسياعا ءبىر رەت ءوتىنىم قابىلدانادى. قازاق, ورىس نەمەسە اعىلشىن تىلىندەگى جۇمىستار قابىلدانادى.دەدلاين وتكەننەن سوڭ كەلىپ تۇسكەن وتىنىمدەر بايقاۋعا قاتىستىرىلمايدى. قاتىسۋشى شىعارماسىمەن بىرگە ءوزى تۋرالى شاعىن اقپارات (0,5 بەتتەن اسپاۋى كەرەك) جانە ساپالى سۋرەتىن جىبەرۋى ءتيىس.
بايقاۋ جۇمىستارى ا-4 فورماتتا, TimesNewRوman 14-قارىپپەن 1.0 ارالىعىندا تەرىلىپ, Word فورماتىندا ساقتالۋى كەرەك.
بايقاۋعا ماتەريالدارى zamandas.syry@gmail.com ەلەكتروندىق پوشتاسى ارقىلى قابىلدانادى.
بايقاۋ جۇمىسىنىڭ ەلەكتروندى نۇسقاسى (اۆتور تۋرالى دەرەكسىز) بولەك فايلمەن جىبەرىلۋى ءتيىس. فايل اتاۋىندا اۆتوردىڭ بۇركەنشىك ەسىمى جانە شىعارمانىڭ نوميناتسياسى كورسەتىلەدى.
ىرىكتەۋدەن وتكەن وتىنىمدەر اشىقتىق قاعيداسىنا سايكەس Telegram پلاتفورماسىنداعى «زامانداس سىرى بايقاۋى» كانالىندا (https://t.me/zamandassyry) جاريالانادى. جەلى قولدانۋشىلارى جاريالانعان ماتەريالدارمەن تانىسىپ, ءوز پىكىرىن قالدىرا الادى.
بايقاۋ كوميسسياسىنىڭ قۇرامىندا قازاقستان جۋرناليستەر وداعى جانە جازۋشىلار وداعىنىڭ وكىلدەرى, قالامگەرلەر, قوعام قايراتكەرلەرى بار.
جەڭىمپازدارعا ارنايى جۇلدەلەردى ءال-فارابي اتىنداعى قازاق ۇلتتىق ۋنيۆەرسيتەتىنىڭ جۋرناليستيكا فاكۋلتەتى تاعايىنداپ وتىر.
ءار نوميناتسيا بويىنشا:
- 1-ورىن – 1 جەڭىمپاز
- 2-ورىن – 1 جەڭىمپاز
- 3-ورىن – 1 جەڭىمپاز
- ىنتالاندىرۋ سىيلىعى – 1 جەڭىمپاز
الماتى
