استانا اكىمىنىڭ ورىنباسارى ەسەت بايكەن №79 مەكتەپ-ليتسەيگە ارنايى بارىپ, سالتاناتتى جيىندا مەكتەپ وقۋشىلارىن قۇتتىقتادى.
«ەلوردادا جاڭا 2023-2024 وقۋ جىلىندا 27 مىڭعا جۋىق بالا ءبىرىنشى سىنىپتىڭ تابالدىرىعىن اتتادى. بۇل وتكەن جىلمەن سالىستىرعاندا الدەقايدا كوپ. ەلوردادا 170-كە جۋىق مەكتەپ جۇمىس ىستەيدى, ونىڭ ىشىندە باسىم بولىگى – مەملەكەتتىك, بىراق جەكە ءبىلىم بەرۋ مەكەمەلەرى دە سۇرانىسقا يە. وقۋشىلار سانىنىڭ جىل سايىن ارتۋىنا بايلانىستى بىزدە وقۋشى ورىندارىنا دەگەن قاجەتتىلىك ارتىپ كەلەدى. 20 مىڭعا جۋىق وقۋشى ورنى تاپشى. مۇنداي پروبلەما بار ەكەنى جاسىرىن ەمەس. وسىعان بايلانىستى ەلورداداعى سەگىز مەكتەپ وقۋ جىلىن ءۇش اۋىسىمدىق رەجيممەن باستايدى. بۇل ماسەلە بويىنشا كەشەندى شارالار قابىلدانۋدا. پرەزيدەنتتىڭ تاپسىرماسى بويىنشا 24 مەكتەپتىڭ قۇرىلىسى باستالدى, ولاردىڭ اياقتالۋى كەلەسى جانە 2025 جىلدارعا جوسپارلانعان. وسى جىلدىڭ سوڭىنا دەيىن تاعى 11 مەكتەپتىڭ قۇرىلىسى اياقتالادى, بۇل مەكتەپ ورىندارىنىڭ تاپشىلىعى جاعدايىن وزگەرتۋگە كومەكتەسەدى. جالپى, مەكتەپتەر قاجەتتى قۇرالدارمەن جابدىقتالعان: وقۋلىقتار, جابدىقتار, ينتەراكتيۆتى تاقتالار. پەداگوگيكالىق قۇرامدا جەتكىلىكتى. بارلىق سىنىپتار وقىتۋشىلارمەن جانە قاجەتتى قۇرالدارمەن جابدىقتالعان», دەپ اتاپ ءوتتى ەسەت بايكەن.
ءبىلىم باسقارماسى باسشىسىنىڭ ورىنباسارى ناريمان ەلامانوۆ ءبىلىم كۇنى تەك بالالار ءۇشىن عانا ەمەس, بارلىق قازاقستاندىق ءۇشىن مەرەكە ەكەنىن ايتتى.
«اتا-انالار, ەڭ الدىمەن, بالالارىنىڭ بولاشاعىن ويلايدى, سول سەبەپتى بولاشاقتا جانىنا جاقىن ماماندىق يەسى اتانۋىنا جاعداي جاسايدى. 1 قىركۇيەكتە ءتورت جاڭا مەكتەپ ەسىگىن ايقارا اشتى, جىل سوڭىنا دەيىن تاعى جەتەۋى پايدالانۋعا بەرىلەدى. قالانى دامىتۋ اياسىندا ەلوردادا 90 مىڭعا جۋىق بالا قابىلدايتىن 24 جايلى مەكتەپتىڭ قۇرىلىسى باستالادى. مەكتەپتەر جاڭا تەحنولوگيالارمەن جانە جاڭا تالاپتار بويىنشا جابدىقتالاتىن بولادى. بۇل ءبىزدىڭ وسكەلەڭ ۇرپاققا حالىقارالىق وليمپيادالاردا ءوزىن كورسەتۋگە جانە جاقسى وقۋعا سەرپىن بەرەدى», دەدى ول.
