فوتو: Kapital.kz
«سوڭعى جىلدارى قابىلدانعان شارالاردىڭ ارقاسىندا شاعىن جانە ءىرى بيزنەس تۇراقتى دامي باستادى. الايدا ورتا كاسىپكەرلىكتىڭ دامۋ قارقىنى ءالى دە باسەڭ. جاڭا ەكونوميكالىق ۇلگىگە كوشۋ ءۇشىن ونى «قولمەن كوتەرۋگە» تۋرا كەلەدى. ەڭ الدىمەن, ورتا بيزنەستىڭ دامۋىن تەجەپ تۇرعان كەدەرگىلەردى جويۋ قاجەت. ورتا كاسىپكەرلىكتىڭ باسىم بولىگى ابدەن دامىعان كەزدە بولشەكتەنىپ كەتەدى. ويتكەنى ولارعا شاعىن بيزنەس دەڭگەيىندە قالعان الدەقايدا «قولايلى». ۇكىمەت شاعىن بيزنەستى ءوزارا بىرىگىپ, ءىرى كاسىپ يەلەرى بولۋعا ىنتالاندىرۋ ءۇشىن زاڭعا وزگەرىستەر ەنگىزۋى كەرەك», دەدى پرەزيدەنت.
مەملەكەت باسشىسى ءوز سوزىندە ەلىمىزدىڭ نارىعىندا بەلسەندى جۇمىس ىستەپ جاتقان تابىستى ورتا كاسىپورىندار كوپ ەمەس ەكەنىن دە تىلگە تيەك ەتتى.
«ەلىمىزدىڭ نارىعىندا بەلسەندى جۇمىس ىستەپ جاتقان تابىستى ورتا كاسىپورىندار كوپ ەمەس. ولارعا قولداۋ كورسەتۋ قاجەت. مۇنداي كاسىپورىنداردىڭ ارقايسىسىنا قاتىستى ناقتى جوسپار ازىرلەۋ كەرەك. سول ارقىلى ولاردىڭ ءوندىرىس قابىلەتىن ارتتىرىپ, ءونىم كولەمىن ەكى-ءۇش ەسە كوبەيتۋ قاجەت. «بيزنەستىڭ جول كارتاسى» جانە «قاراپايىم زاتتار ەكونوميكاسى» باعدارلامالارىن بىرىكتىرگەن ءجون. ونى شاعىن جانە ورتا كاسىپكەرلىكتى قولدايتىن كەشەندى باعدارلاماعا اينالدىرۋ كەرەك», دەپ ناقتىلادى قاسىم-جومارت كەمەل ۇلى.
