ءىس-شاراعا باتىس قازاقستان وبلىسى اكىمىنىڭ ورىنباسارى باقىتجان نارىمبەتوۆ, پارلامەنت ءماجىلىسىنىڭ زاڭناما جانە سوت-قۇقىقتىق رەفورما كوميتەتىنىڭ مۇشەسى مارات ءباشىموۆ, ءوڭىردىڭ زيالى قاۋىم وكىلدەرى, ەڭبەك ارداگەرلەرى, وبلىستىق جانە قالالىق ءماسليحات دەپۋتاتتارى, ۇكىمەتتىك ەمەس ۇيىمدار مەن اسسامبلەيا مۇشەلەرى قاتىستى.
– وسىدان 28 جىل بۇرىن وتانداستارىمىز جاڭا كونستيتۋتسياعا داۋىس بەرىپ, تاريحي تاڭداۋ جاسادى. بۇگىندە ەلىمىز دەموكراتيالىق, زايىرلى, وركەنيەتتى قوعامدى دامىتۋ جولىندا ءوز باعىتىن بەرىك ۇستانىپ كەلەدى. كونستيتۋتسيا ەلىمىزدىڭ ەگەمەندىگىن, بيلىك پەن قوعامنىڭ دەموكراتيالىق قاعيداتتارىن بەكىتىپ, قوعام ءومىرىنىڭ ءتۇرلى سالاسىندا تابىستى وزگەرىس جاساۋعا باعدار بولدى. ەلىمىزدىڭ اتا زاڭى – ءار وتانداسىمىزدىڭ بارشا جەتىستىگىنىڭ نەگىزى, تەڭ قۇقىعى مەن مۇمكىندىگىنىڭ كەپىلى. كونستيتۋتسياعا وزگەرىستەر ەنگىزۋ جونىندەگى وتكەن جىلعى جالپىۇلتتىق رەفەرەندۋمنىڭ ناتيجەسى حالقىمىزدىڭ بىرلىگىن جانە ەلىمىزدى جان-جاقتى جاڭعىرتۋعا باعىتتالعان اۋقىمدى رەفورمالاردىڭ بارىنشا قولداۋ تاپقانىن كورسەتتى, ايرىقشا ساياسي مانگە يە بولدى, – دەدى قۇتتىقتاۋ ءسوز سويلەگەن وبلىس اكىمىنىڭ ورىنباسارى باقىتجان حابەر ۇلى.
ءماجىلىس دەپۋتاتى مارات ءباشىموۆ تە ەلىمىزدىڭ اتا زاڭى ادىلەتتى قازاقستاننىڭ جەتىستىگىنىڭ بەرىك كەپىلىنە اينالعانىن, ءتيىمدى قۇقىقتىق جۇيەنى ورنىقتىرۋ ارقىلى ءبىز ەكونوميكالىق وسىمگە جانە قوعامنىڭ ءال-اۋقاتىنىڭ ارتۋىنا قول جەتكىزىپ, ەلىمىزدە تۇراقتىلىقتى, بەيبىتشىلىك پەن كەلىسىمدى قالىپتاستىرىپ جاتقانىمىزدى اتاپ ءوتتى. بۇدان كەيىن ءسوز العان باتىس قازاقستان وبلىسى پروكۋرورىنىڭ مىندەتىن اتقارۋشى داۋرەن ومارعاليەۆ, م.وتەمىسوۆ اتىنداعى باتىس قازاقستان ۋنيۆەرسيتەتى «قۇقىقتىق پاندەر» كافەدراسىنىڭ دوتسەنتى, تاريح عىلىمدارىنىڭ دوكتورى اسەت تاسماعامبەتوۆ, زاڭ عىلىمدارىنىڭ كانديداتى, وبلىستىق ءماسليحاتتىڭ دەپۋتاتى مەرەكە عابدۋاليەۆ, تاعى باسقالار وي-پىكىرلەرىن ورتاعا سالدى.
وسى كۇنى وبلىستىڭ قوعامدىق ءومىرىنىڭ ءار سالاسىندا ۇزدىك ەڭبەك ەتىپ, كوزگە تۇسكەن ءبىر توپ ازامات وبلىس اكىمىنىڭ العىسحاتىنا يە بولدى. ولاردىڭ قاتارىندا اقجايىق اۋداندىق سوتى اكىمشىسىنىڭ باس مامانى اينۇر تەمىرحانوۆا, باتىس قازاقستان وبلىسى قورعانىس ىستەرى جونىندەگى دەپارتامەنتى باستىعىنىڭ ورىنباسارى, جاساقتاۋ باسقارماسىنىڭ باسشىسى البەرت بەكمۇحانوۆ, وبلىستىڭ ادىلەت دەپارتامەنتى قۇقىقتىق ءتۇسىندىرۋ جانە حالىققا زاڭ قىزمەت كورسەتۋ ءبولىمىنىڭ باس مامانى اينۇر عۇماروۆا, باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتى باتىس قازاقستان وبلىسى بويىنشا دەپارتامەنتىنىڭ باس مامانى بيبىگۇل شاناەۆا, ورال قالاسى پروكۋراتۋراسى قوعامدىق مۇددەلەردى قورعاۋ ءبولىمىنىڭ باستىعى ءازيز نياروۆ, تەرەكتى اۋداندىق پوليتسيا ءبولىمى ۋچاسكەلىك پوليتسيا ينسپەكتورىنىڭ كومەكشىسى دۋلات اققايداروۆ, تەرەكتى اۋداندىق پوليتسيا ءبولىمىنىڭ كامەلەتكە تولماعاندار ىستەر جونىندەگى اعا ۋچاسكەلىك پوليتسيا ينسپەكتورى نۇرحات دوسقاليەۆ, «بقو تجد ءورت ءسوندىرۋ جانە اۆاريالىق-قۇتقارۋ جۇمىستارى قىزمەتى» مم كۇشتەر مەن قۇرالداردى جەدەل باسقارۋ ورتالىعىنىڭ اعا ديسپەتچەرى اسقار بيساقوۆ سىندى مەملەكەتتىك قىزمەتشىلەر بار.
كونستيتۋتسيا ەگەمەندىگىمىزدى, بيلىك پەن قوعام قۇرىلىمىنىڭ دەموكراتيالىق قاعيداتتارىن نىعايتىپ قانا قويماي, بولاشاق تابىستار مەن العا قويىلعان ماقساتتاردى شەشۋدىڭ التىن دىڭگەگى ەكەنى ءسوزسىز.
باتىس قازاقستان وبلىسى
