ليزينگ نارىعىنداعى كوشباسشى
مەملەكەت باسشىسى وتكەن جىلعى «ادىلەتتى مەملەكەت. ءبىرتۇتاس ۇلت. بەرەكەلى قوعام» جولداۋىندا: «اۋىل شارۋاشىلىعىن دامىتۋ – نەگىزگى پروبلەمانىڭ ءبىرى. وسى سالاداعى احۋال مەملەكەتىمىزدىڭ ازىق-ت ۇلىك قاۋىپسىزدىگىنە تىكەلەي اسەر ەتەدى», دەپ اتاپ ايتتى. وعان قوسا جاڭا جەتىجىلدىق مەرزىمگە سايلانعان پرەزيدەنت ءبىرىنشى جارلىعىن اۋىلدى دامىتۋ ماسەلەسىنە ارناپ, ۇكىمەتكە اۋىلدى دامىتۋدىڭ بەس جىلعا ەسەپتەلگەن ناقتى جوسپارىن ازىرلەۋدى تاپسىردى. وسى ورايدا «قازاگروقارجى» اق مەملەكەت باسشىسىنىڭ ساياساتىن بەلسەندى جۇرگىزۋگە اتسالىسا وتىرىپ, تەحنيكا ساتىپ الۋعا ليزينگ بەرۋ ارقىلى ەلىمىزدىڭ اگروونەركاسىپ كەشەنىنىڭ دامۋىنا ەلەۋلى ۇلەس قوسىپ كەلەدى.
1999 جىلى نەگىزى قالانعان كومپانيا كۇنى بۇگىنگە دەيىن ساپالى ءارى باسەكەگە قابىلەتتى ليزينگ قىزمەتتەرىن ۇسىنا وتىرىپ, اۋىل شارۋاشىلىعى تاۋار وندىرۋشىلەرىن قاجەتتى تەحنيكامەن قامتاماسىز ەتىپ كەلەدى. شىن مانىندە, «قازاگروقارجى» اق – قازاقستاننىڭ اگروونەركاسىپ كەشەنى سالاسىنداعى ليزينگ نارىعىنىڭ كوشباسشىسى. «بايتەرەك» حولدينگىنە قاراستى كومپانيا بۇل سالانى تۇگەلدەي زاماناۋي جانە جوعارى تەحنولوگيالىق تەحنيكامەن قامتاماسىز ەتىپ وتىر. ونىڭ ەلىمىزدىڭ بارلىق وڭىرىندە وكىلدىگى بار, بۇگىندە رەسپۋبليكا بويىنشا 15 بولىمشەسى جۇمىس ىستەپ تۇر. وسىلايشا, رەسپۋبليكامىزدىڭ قاي تۇكپىرىندە بولسىن اۋىل شارۋاشىلىعىن وركەندەتۋدى ماقسات ەتىپ وتىر.
كاسىپكەرگە ماقساتىنا قاراي تاڭداۋ كوپ
«قازاگروقارجى» اق ۇسىنعان باعدارلاماداعى بىرنەشە تاڭداۋ اۋىل شارۋاشىلىعىنىڭ قاجەتتىگىنە قاراي كەز كەلگەن تەحنيكانى ساتىپ الۋعا مۇمكىندىك بەرەدى.
كومپانيا بيىلعى 26 ماۋسىمدا 4 باعدارلامانى ىسكە قوستى. سونىڭ ىشىندە ء«وز جەمشوبىمىز» باعدارلاماسى مال شارۋاشىلىعىن جەمشوپپەن قامتاماسىز ەتۋگە, سول ارقىلى مال ونىمدىلىگى مەن ءونىمىن ارتتىرۋعا باعىتتالعان. باعدارلامانى جۇزەگە اسىرۋعا 20 ملرد تەڭگە ءبولىنىپ وتىر.
سونداي-اق وتاندىق تاۋار وندىرۋشىلەردى قولداۋعا باعىتتالعان «قازاقستاندا جاسالعان» باعدارلاماسى بار. بۇل ەلىمىزدە جاسالعان نەمەسە جيناقتالعان اۋىل شارۋاشىلىعى تەحنيكاسىنا ليزينگ بەرۋدى قارجىلاندىرۋدى كوزدەيدى. وعان 15 ملرد تەڭگە قارجى بولىنگەن. ال الەۋمەتتىك ماڭىزى بار ازىق-ت ۇلىك (كوكونىس, جەمىس-جيدەك, قانت قىزىلشاسى) وندىرۋشىلەردى قولداۋعا باعىتتالعان «جاسىل ءونىم» باعدارلاماسىنا 10 ملرد تەڭگە ءبولىندى.
ليزينگ ارقىلى 5 تەحنيكا العان شارۋا
2022 جىلى «قازاگروقارجى» اق-نىڭ جەڭىلدىكتى باعدارلاماسىنا قاتىسقانداردىڭ ءبىرى – «مايقىنوۆ» شارۋا قوجالىعى. 2010 جىلدان بەرى جەتىسۋ وبلىسى الاكول اۋدانىندا اۋىل شارۋاشىلىعىمەن اينالىساتىن وسى شق بىلتىر جەتىسۋ وبلىسىنداعى «قازاگروقارجى» بولىمشەسى ارقىلى ءوتىنىش بەرىپ, اۆانس تولەمەي-اق 2 «بەلارۋس 892.2» تراكتورىن, 1 «بەلارۋس 1221.2» تراكتورىن ليزينگكە الدى.
اتالعان شق, نەگىزىنەن, ەگىن شارۋاشىلىعىمەن, ياعني بيداي, ارپا وسىرۋمەن اينالىسادى. يەلىگىندە 859,1 گا جايىلىمى, 925 گا ەگىستىگى, 192,3 گا باسقا دا جەرى بار. ال بيىل Telegram ارقىلى تاعى 2 استىق جيناۋ كومباينىن الۋعا ءوتىنىش بەرىپ, «قازاقستاندا جاسالعان» باعدارلاماسى اياسىندا «VECTOR 410KZ» كومبايندارىن ساتىپ الۋ ءۇشىن قارجىلاي كومەككە قول جەتكىزدى.
جالپى, «قازاگروقارجى» 2000-2023 جىلدار ارالىعىندا جەتىسۋ وبلىسىنا 100 ملرد تەڭگەدەن اسا قاراجات ينۆەستيتسيالاعان. ءسويتىپ, جەرگىلىكتى شارۋا قوجالىقتارىنىڭ 5 519 دانا تەحنيكا ساتىپ الۋىنا جاعداي جاساعان. ساتىپ الىنعان تەحنيكانىڭ جالپى قۇنى – 43 339 ملن تەڭگەنى قۇرايدى. ال بيىل تەحنيكا ساتىپ الۋعا 5 500 ملن تەڭگە قاراستىرىلىپ وتىر.
اۋىل شارۋاشىلىعى سالاسىنداعى كاسىپكەرلەر ءۇشىن جوعارىدا اتالعان باعدارلامانىڭ بارلىعى قولجەتىمدى. ءوتىنىش بىلدىرگەن جانە ءتيىستى تالاپقا ساي كەلگەن ۇيىمدار قارجىلاندىرۋ مۇمكىندىگىنە يە بولادى. ءوتىنىشتى كاسىپ جۇرگىزىلىپ جاتقان وڭىردەگى «قازاگروقارجى» بولىمشەسىنە نەمەسە ارنايى Telegram bot ارقىلى دا بەرۋگە بولادى.
